တ႐ုတ္ႏိုင္ငံ ယူနန္ျပည္နယ္ ေ႐ႊလီၿမိဳ႕တြင္ ေအာက္တိုဘာလမွစၿပီး nucleic acid ေဆးစစ္မႈ အႀကိမ္ေရ စုစုေပါင္း ၃.၆၉ သန္းရွိ

တရုတ်နိုင်ငံ ဗဟို၊ ပြည်နယ်၊ ပြည်နယ်ခွဲ၏ ထောက်ခံအားပေးမှုဖြင့် ရွှေလီမြို့ ကပ်ရောဂါတိုက်ဖျက်ရေးပစ္စည်းများ နေ့စဉ်နှင့်အမျှ ပို၍ ပြည့်စုံလာရာ လူနာ လက်ခံကူသမှုနှင့် nucleic acid ဆေးစစ်နိုင်စွမ်း တည်ငြိမ်စွာ မြှင့်တင်နိုင်ခဲ့ကြောင်း ယူနန်ပြည်နယ် ရွှေလီမြို့အစိုးရက နိုဝင်ဘာ ၁၄ ရက်တွင် ထုတ်ပြန်ခဲ့သည်။ ယခုနှစ် အောက်တိုဘာလ ရွှေလီမြို့တွင် ကပ်ရောဂါအသစ်တစ်ကြိမ် ပြန်လည်ဖြစ်ပွားခဲ့သည့် အချိန်မှစ၍ nucleic acid ဆေးစစ်မှု စုစုပေါင်း အကြိမ်ရေ ၃.၆၉၂၅ သန်း ဆောင်ရွက်ခဲ့ရာ ကပ်ရောဂါအခြေအနေအချိန်မီ သိရှိရေး၊ ကူးစက်မှုအရင်းအမြစ် အချိန်မီထိန်းချုပ်နိုင်ရေးတို့အတွက် အခြေခံ အုတ်မြစ်ချနိုင်ခဲ့သည်။

ယခုနှစ် အောက်တိုဘာ ၁ ရက်မှစပြီး ရွှေလီမြို့၌ ပြည်ပကူးစက်မှုမှ ပြည်တွင်းကူးစက်မှုသစ် ဖြစ်ပွားခဲ့ရာ နိုဝင်ဘာ ၁၃ ရက်အထိ ရွှေလီမြို့တွင် ယခုတစ်ကြိမ်ကပ်ရောဂါအတွင်း ကိုဗစ် nucleic acid ဆေးစစ်မှု positiveဖြစ်သူ ၄၉ ဦး (အတည်ပြုလူနာနှင့်လက္ခဏာမပြရောဂါကူးစက်သူ)ရှိ ကြောင်းသိရသည်။

“လက်ရှိပြောရရင် ကပ်ရောဂါအခြေအနေ အချိန်မီ သိရှိမယ့် အထိရောက်ဆုံးနည်းလမ်းကတော့ nucleic acid ဆေးစစ်ခြင်းပဲ ဖြစ်ပါတယ်”ဟု ယူနန်ပြည်နယ် ကပ်ရောဂါကာကွယ်ထိန်းချုပ်ရေးစင်တာ ညွှန်ကြားရေးမှူး ဆုန့်ကျစ်ကျုံးက ပြောကြားခဲ့သည်။ အကယ်၍အချိန်မီ စစ်ဆေးနိုင်မှုမရှိလျှင် ကူးစက်မှုအား အချိန်မီ တွေ့ရှိနိုင်မည်မဟုတ်ခြင်းကြောင့် ပမာဏာအများအပြားရပ်ကျေးကူးစက်မှုဖြစ်ပွားနိုင်ကြောင်း ဆိုသည်။

ရောဂါကူးစက်မှုအား စောလျဉ်းစွာတွေ့ရှိနိုင်ရေးအတွက် ရွှေလီမြို့တွင် သိပ္ပံနည်းကျ nucleic acid ဆေးစစ်သည့်နည်းလမ်းများကို သတ်မှတ်ခဲ့ရာ နယ်စပ်ကျေးရွာရှိ အဓိကလူအုပ်စုများ၊ ကွာရန်တင်းစင်တာစသည့်တို့တွင် အလုပ်လုပ်ကိုင်နေသူများအား ၃ ရက် ၁ ကြိမ် စစ်ဆေးခြင်း၊ ဈေး၊စူပါမာကက်နှင့်ကုန်စုံဆိုင်စသည့် လုပ်ငန်းများ၌ အလုပ်လုပ်ကိုင်နေသူများအား ၇ ရက် ၁ ကြိမ် စစ်ဆေးခြင်း၊ နိုင်ငံခြားသားနှင့် အဓိကနေရာများတွင် ၁၄ ရက် ၁ ကြိမ် စစ်ဆေးခြင်း ၊ တစ်မြို့လုံးအားပုံမှန် ၁ လ ၁ ကြိမ် စစ်ဆေးခြင်းများပြုလုပ်ခဲ့သည်။

လက်ရှိတွင် ရွှေလီမြို့၌ နေထိုင်သူဦးရေ ၂၈၀,၀၀၀ ခန့် ရှိရာ လူတိုင်း nucleic acid ဆေးစစ်မှု တစ်ရက်အတွင်း ဆောင်ရွက်နိုင်စွမ်းရှိကြောင်း သိရသည်။ ရွှေလီမြို့ ကျန်းမာရေးဦးစီးဌာန ဒုတိယ အကြီးအကဲ လျိုကျန်းက အောက်တိုဘာ ၁ ရက် ပြည်တွင်းကူးစက်မှုအသစ်တစ်ကြိမ် ဖြစ်ပွားသည့်အချိန်မှစ၍ ရွှေလီမြို့တွင် nucleic acid ဆေးစစ်မှု စုစုပေါင်း အကြိမ်ရေ ၃.၆၉၂၅ သန်း ပြုလုပ်ခဲ့ကြောင်း ဆိုသည်။

တက်ဟုန်းပြည်နယ်ခွဲ ကော်မတီ အတွင်းရေးမှူး ကျန်းဆန်းက တက်ဟုန်း၏ယခုအကြိမ်ကပ်ရောဂါပြန့်ပွားမှု ကွင်းဆက်က များသော်လည်း ကွင်းဆက်တိုကြောင်း၊ ကူးစက်မှုကွင်းဆက်တစ်ခုကို ၂ ဆင့်မှ ၄ ဆင့်အထိ ရှိပြီး ပျမ်းမျှအားဖြင့် ကူးစက်မှုကွင်းဆက်တစ်ခုကို ၃.၈ ရက်ကြာလျှင် ထိရောက်စွာ ဖြတ်တောက်နိုင်ခဲ့ကြောင်း မိတ်ဆက်ပြောကြားခဲ့သည်။ နိုဝင်ဘာ ၁၂ ရက်အထိ တက်ဟုန်းပြည်နယ်ခွဲတစ်ခုလုံးတွင် ကူးစက်သူ ၈၉ ဦးရှိရာ ဆေးရုံ၌ ဆေးကုသမှုခံယူနေပြီး ရောဂါပြင်းထန်လူနာမရှိကြောင်းနှင့် ဆေးရုံတင်ကုသည့် လူနာ၏ပြန်လည်ကောင်းမွန်သည့် အခြေအနေရှိကြောင်း ဆိုသည်။ (Xinhua)