သီဟိုဠ္မွ ဉာဏ္ႀကီးရွင္သည္ အာယုဝၯနေဆးၫႊန္းစာကို ဇလြန္ေဈးေဘး ဗာဒံပင္ထက္ အဓိ႒ာန္လ်က္ ဂဃနဏဖတ္ခဲ့သည္

ယခုနှစ်ပိုင်းများတွင် တရုတ်နိုင်ငံ ယူနန်ပြည်နယ် တာ့လီ(ပိုင်လူမျိုး)ကိုယ်ပိုင်အုပ်ချုပ်ခွင့်ရပြည်နယ်ခွဲ ပင်းချွမ်းခရိုင်သည် “ကမ္ဘာ့ ပထမတန်းစား သစ်သီးဝလံတို့၏ ဌာနေ”၊ “ယဉ်ကျေးမှုခရီးသွားကဏ္ဍ၏ ရည်မှန်းရာအရပ်” ဟူသော ဖွံ့ဖြိုးတိုးတက်ရေး ဦးတည်ချက်ဖြင့် စက်မှုလုပ်ငန်း၊ လယ်ယာလုပ်ငန်း၊ ယဉ်ကျေးမှုခရီးသွား လုပ်ငန်းကဏ္ဍ ၃ ရပ်ကို အတိအကျရည်မှန်းချက်ထား၍ တစ်ပြိုင်တည်း အလေးထားဆောင်ရွက်ခဲ့သည်။

စက်မှုလုပ်ငန်းဖွံ့ဖြိုးတိုးတက်မှု အားနည်းချက်ရှိသည့်အပေါ် ပင်းချွမ်းခရိုင်က လယ်ယာထွက်ကုန်ပစ္စည်းအချောထည်လုပ်ငန်း၊ ဆောက်လုပ်ရေးပစ္စည်းသစ်များ၊ Photovoltaics စွမ်းအင်သစ် စသည့် လုပ်ငန်းသုံးခုကို အဓိကဖွံ့ဖြိုးတိုးတက်ရေး စက်မှုလုပ်ငန်းအဖြစ် သတ်မှတ်ထားပြီး အဓိကအားဖြင့် သစ်သီးဝလံ၊ ဟင်းသီးဟင်းရွက်အစားသောက်များနှင့် လတ်ဆတ်သည့် သစ်သီးများအား အမျိုးအစားခွဲခြင်း၊ ထုပ်ပိုးခြင်း၊ သိုလှောင်ခြင်း၊ အအေးခန်းသယ်ယူပို့ဆောင်ခြင်း စသည့် လုပ်ငန်းများကို အလေးထားဆောင်ရွက်လျက်ရှိရာ ၂၀၂၅ ခုနှစ်တွင် ခရိုင်တစ်ခုလုံး၏ ကုန်းပြင်မြင့်ဒေသထွက်စားသောက်ကုန်ထုတ်လုပ်မှု၊ အအေးခန်းသယ်ယူပို့ဆောင်ခြင်း လုပ်ငန်း၏ ထုတ်လုပ်မှုတန်ဖိုး ယွမ် ၈ ဘီလီယံရှိအောင် ကြိုးပမ်းဆောင်ရွက်လျက်ရှိကြောင်း သိရသည်။

လယ်ယာကဏ္ဍတွင် ပင်းချွမ်းခရိုင်သည် “Shine-Muscat ၊ Crimson အစေ့လွတ်စသည့် အမှည့်စောသော စပျစ်သီး၊ အရည်အသွေးမြင့် အထူးစပျစ်သီး ၁၈,၀၀၀ မို(mu)၊ Fertile orange ၊ မိုးမခရွက်လိမ္မော်သီး စသည့် အမှည့်နှောင်း လိမ္မော်သီး ၁၂,၀၀၀ မို(mu)နှင့်အခြားအမျိုးအစား ၁၀,၀၀၀ မို၊ စုစုပေါင်း ဧရိယာ မို(mu) ၄ သိန်းစိုက်ပျိုးခြင်း”လုပ်ငန်း ဖြန့်ကျက်မှုအစီအမံဖြင့် ထုတ်လုပ်မှုတန်ဖိုး စုစုပေါင်း ယွမ် ဘီလီယံ ၂၀ ရရှိစေရန် ကြိုပမ်းဆောင်ရွက်နေကြောင်း သိရသည်။

ယဉ်ကျေးမှုခရီးသွားကဏ္ဍတွင် ပင်းချွမ်းခရိုင်က ကျီးကျုဆန်းတောင် သမိုင်းယဉ်ကျေးမှု ထူးခြားချက်ကို အများသိအောင် ဆောင်ရွက်နေပြီး နေထိုင်ရန်၊ လုပ်ငန်းလုပ်ဆောင်ရန်နှင့်ခရီးသွားအပန်းဖြေရန် သင့်လျော်သည့် တောင်ပေါ် ယဉ်ကျေးမှုခရီးသွား ရည်မှန်းရာနေရာအဖြစ် အားသွန်ခွန်စိုက်ဆောင်ရွက်လျက်ရှိရာ 5A အဆင့် ခရီးသွားရှုမျှော်ခင်းဧရိယာတည်ဆောက်မှုကို အရှိန်မြှင့်တင်ဆောင်ရွက်လျက်ရှိကြောင်း သိရသည်။ （Xinhua）