တ႐ုတ္ႏိုင္ငံက လႉဒါန္းသည့္ လူသားခ်င္းစာနာမႈအကူအညီမ်ား အာဖဂန္နစၥတန္ႏိုင္ငံသို႔ ေရာက္ရွိ

တရုတ်နိုင်ငံက လှူဒါန်းသည့် အစားအစာ နှင့် အဝတ်အထည် တန်ချိန် ၅၀၀ ခန့်သည် အာဖဂန်နစ္စတန်နိုင်ငံမြောက်ပိုင်း Balkh ပြည်နယ်ရှိ နယ်စပ်မြို့ဖြစ်သော Hairatan မြို့သို့ ရောက်ရှိခဲ့ကြောင်း ဒေသတွင်းတာဝန်ရှိသူတစ်ဦးက ပြောကြားခဲ့သည်။

အစားအစာ နှင့် အဝတ်အထည် တန်ချိန် ၅၀၀ ပါဝင်သည့် ကွန်တိန်နာ ၂၇ လုံးသည် ဒီဇင်ဘာ ၂ ရက် နှင့် ၃ ရက်တို့တွင် Hairatan နယ်စပ်ကုန်သွယ်ရေးစခန်းမှတဆင့် အာဖဂန်နစ္စတန်နိုင်ငံသို ဝင်ရောက်လာခဲ့သည်။ယင်းအထောက်အပံ့များအား ပြည်နယ်အသီးသီးသို့ ပို့ဆောင်သွားမည် ဖြစ်ပြီး လိုအပ်နေသူများအား ဖြန့်ဝေပေးသွားမည် ဖြစ်ကြောင်း ပြည်နယ်အကောက်ခွန်ရုံးမှ Abdul Matin Sayyed က ဆင်ဟွာသို့ ပြောကြားခဲ့သည်။

အဆိုပါ ထောက်ပံ့ရေးပစ္စည်းများသည် အာဖဂန်နစ္စတန်နိုင်ငံသို့ ကူညီသည့် အစားအစာ နှင့် အဝတ်အထည် တန်ချိန် ၁,၀၀၀ ၏ တစ်စိတ်တစ်ပိုင်း ဖြစ်ကြောင်း နှင့် ကျန်ရှိနေသည့် ထောက်ပံ့ရေးပစ္စည်းများ မကြာမီ နယ်စပ်ကုန်သွယ်ရေးစခန်းမှတစ်ဆင့် ရောက်ရှိလာရန် မျှော်လင့်ကြောင်း ၎င်းက ပြောကြားခဲ့သည်။ (Xinhua)