တ႐ုတ္ႏိုင္ငံတြင္ AI ေရွ႕ေျပးဇုန္ ၁၇ ခု တည္ေဆာက္လ်က္ရွိ
တရုတ်နိုင်ငံတွင် အမျိုးသား ဉာဏ်ရည်တု (AI) တီထွင်ဆန်းသစ်မှု ဖွံ့ဖြိုးတိုးတက်မှု ရှေ့ပြေးဇုန် ၁၇ ခုအား တည်ဆောက်လျက်ရှိကြောင်း တရုတ်အရာရှိတစ်ဦးက ပြောကြားခဲ့သည်။
သိပ္ပံနှင့် နည်းပညာဝန်ကြီးဌာန ဒုတိယဝန်ကြီး Li Meng က ချင်းဟွာတက္ကသိုလ်တွင် ဒီဇင်ဘာ ၄ ရက်နှင့် ၅ ရက်အထိ ကျင်းပခဲ့သော ၂၀၂၁ ခုနှစ် နိုင်ငံတကာ AI ပူးပေါင်းဆောင်ရွက်မှုနှင့် စီမံအုပ်ချုပ်မှုဖိုရမ်တွင် မှတ်ချက်ပြုခဲ့ခြင်း ဖြစ်သည်။
တရုတ်နိုင်ငံသည် အမျိုးသား AI တီထွင်ဆန်းသစ်မှု ဖွံ့ဖြိုးတိုးတက်မှု ရှေ့ပြေးဇုန် မျိုးဆက်သစ်တစ်ခု တည်ဆောက်ရန် ၂၀၁၉ ခုနှစ်က စတင်ခဲ့ကြောင်း၊ နည်းပညာသရုပ်ပြမှုများ၊ မူဝါဒစမ်းသပ်မှုများနှင့် လူမှုရေးဆိုင်ရာ လက်တွေ့စမ်းသပ်မှုများ ဆောင်ရွက်ရန် ဒေသန္တရအစိုးရများအပေါ် အားထားလျက်ရှိကြောင်း သိရသည်။
သိပ္ပံနှင့် နည်းပညာဝန်ကြီးဌာနမှ ထုတ်ပြန်ချက်အရ တရုတ်နိုင်ငံသည် ၂၀၂၃ ခုနှစ် AI ရှေ့ပြေးဇုန် ၂၀ ခန့် တည်ဆောက်ရန် စီစဉ်ထားကြောင်း သိရသည်။
တရုတ်နိုင်ငံအနေဖြင့် ရှေ့ပြေးဇုန်များတွင် လက်တွေ့ကျပြီး ထိရောက်သော မူဝါဒကိရိယာအမြောက်အများ တီထွင်ဆန်းသစ်ရန်၊ AI နှင့် စီးပွားရေးဖွံ့ဖြိုးတိုးတက်မှု ပေါင်းစည်းမှုပုံစံများ တိုးချဲ့ရန်၊ အတွေ့အကြုံရရှိရန်နှင့် ကုန်းမြင့်ဒေသများတွင် AI ဦးဆောင်မှုထူထောင်ရန် စီစဉ်ထားကြောင်း ထုတ်ပြန်ချက်အရ သိရသည်။ (Xinhua)