COVID-19 ကာကြယ္ေဆးသုေတသနတြင္ တ႐ုတ္ႏွင့္ မေလးရွား ပူးေပါင္းေဆာင္႐ြက္မည္ဟု မေလးရွား ႏိုင္ငံျခားေရးဝန္ႀကီး ေျပာ
မလေးရှားနိုင်ငံနှင့် တရုတ်နိုင်ငံတို့သည် ကာကွယ်ဆေး သုတေသန၊ ဖွံ့ဖြိုးတိုးတက်မှုနှင့် ထုတ်လုပ်မှုတွင် ပူးပေါင်းဆောင်ရွက်သွားမည်ဖြစ်ကြောင်း မလေးရှားနိုင်ငံခြားရေးဝန်ကြီး Saifuddin Abdullah ၏ ပြောကြားချက်အား ကိုးကား၍ The Star က မကြာသေးမီက သတင်းဖော်ပြခဲ့သည်။
အဆိုပါ ပူးပေါင်းဆောင်ရွက်မှုသည် နိုင်ငံ၏ အမျိုးသား ကာကွယ်ဆေး ဖွံ့ဖြိုးတိုးတက်မှု လမ်းပြမြေပုံတွင် ဖော်ပြထားသည့်အတိုင်း ကိုယ်ပိုင်ကာကွယ်ဆေးများ ထုတ်လုပ်နိုင်ရေးအတွက် မလေးရှားနိုင်ငံ၏ ရည်မှန်းချက်အား ဖြည့်ဆည်းသွားမည်ဖြစ်ကြောင်း Saifuddin က ပြောကြားခဲ့သည်။
အဆိုပါ လမ်းပြမြေပုံအား မလေးရှားနိုင်ငံ ဝန်ကြီးချုပ် အစ္စမေး ဆာဘရီ ဘင် ဟာကော့ (Ismail Sabri Yaakob) က မကြာသေးမီက ကြေညာခဲ့ခြင်းဖြစ်သည်။
“အချက်အလက် သုတေသနနှင့် R&D စင်တာတွေ အပါအဝင် မလေးရှားနိုင်ငံမှာ တရုတ်နိုင်ငံမှ အရေးပါသောကာကွယ်ဆေး ကုမ္ပဏီတွေကို ကြိုဆိုပါတယ်” ဟု Abdullah က တရုတ်နိုင်ငံ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး ဝမ်ရိနှင့် တရုတ်နိုင်ငံ၌ အောက်တိုဘာ ၄ ရက်က ပြောကြားခဲ့သည်။
တရုတ်နိုင်ငံ အရှေ့ပိုင်း ကျဲ့ကျန်းပြည်နယ် အန်းကျီမြို့ရှိ တရုတ်-မလေးရှား ပူးပေါင်းဆောင်ရွက်မှုဆိုင်ရာ နှစ်နိုင်ငံ နိုင်ငံခြားရေးဝန်ကြီးတို့က ပူးတွဲသဘာပတိပြုလုပ်ခဲ့သော အဆင့်မြင့်ကော်မတီ၏ ပထမဆုံးအစည်းအဝေးကျင်းပချိန်၌ ကပ်ရောဂါ တိုက်ဖျက်ရေး ပူးပေါင်းဆောင်ရွက်မှု ဆက်လက်ဆောင်ရွက်ရန် သဘောတူခဲ့ကြကြောင်း သိရသည်။ (Xinhua)