Shenzhou-13 အာကာသယာဥ္မႉးအဖြဲ႕၏ ဒုတိယအႀကိမ္ေျမာက္ အာကာသစခန္းျပင္ပ တာဝန္ထမ္းေဆာင္မႈ အျပည့္အဝ ေအာင္ျမင္စြာ လုပ္ေဆာင္ႏိုင္ခဲ့

Shenzhou-13 အာကာသယာဉ်မှူးအဖွဲ့သည် သတ်မှတ်တာဝန်များကို ထမ်းဆောင်ရန်အတွက် ဒီဇင်ဘာ ၂၇ ရက် ၀၀ နာရီ ၅၅ မိနစ်တွင် ဒုတိယအကြိမ်မြောက် အာကာသစခန်းပြင်ပသို့ ထွက်ခွာခဲ့ကြောင်း၊ စခန်းပြင်ပ တာဝန်ထမ်းဆောင်ချိန် ၆ နာရီကြာပြီးနောက် အာကာသယာဉ်မှူး ကျိုက်ကျစ်ကန်း၊ ယဲ့ကွမ်းဖုတို့သည် လုံခြုံဘေးကင်းစွာဖြင့် အာကာသစခန်းပင်မခန်းသို့ ပြန်လည်ရောက်ရှိခဲ့သဖြင့် လုပ်ငန်းတာဝန်အားလုံးအပြည့်အဝအောင်မြင်ခဲ့ကြောင်း China Manned Space Engineering Office (CMSEO)၏ သတင်းများအရ သိရသည်။

ယခုအကြိမ်သည် တရုတ်အာကာသယာဉ်မှူးများ၏ စတုတ္ထအကြိမ်မြောက် စခန်းပြင်ပသို့ထွက်ခွာခြင်းဖြစ်သည်။ စခန်းပြင်ပလှုပ်ရှားများတွင် panoramic camera Cအား မြှင့်တင်ခြင်း၊ စခန်းပြင်ပလုပ်ငန်းဆောင်တာများ လုပ်ဆောင်သည့်နေရာတွင် foot stopper တပ်ဆင်ခြင်းနှင့် သက်ဆိုင်ရာစစ်ဆေးမှုများပြုလုပ်ခြင်း၊ သယ်ဆောင်သည့်ပစ္စည်းများအား လွှဲပြောင်း စစ်ဆေးခြင်း စသည့် တာဝန်များကို အကောင်အထည်ဖော်ခဲ့သလို အာကာသစခန်း ပင်မခန်း၏ airlock cabin ၊ outer serviceနှင့် စက်ရုပ်လက်တံ၏ စွမ်းရည်များကို ထပ်မံ စစ်ဆေးနိုင်ခဲ့ကြောင်း သိရသည်။ ၎င်းမှာ အာကာသစခန်းပြင်ပသို့ထွက်ခွာသည့် သက်ဆိုင်ရာ နည်းပညာ၊ အာကာသယာဉ်မှူးများ၏စခန်းအတွင်းအပြင် ပူးပေါင်းလက်တွဲဆောင်ရွက်နိုင်မှုကို ထပ်မံစစ်ဆေးခြင်းဖြစ်သလို နောင်အခါ စခန်းပြင်ပလှုပ်ရှားမှုများအတွက် အတွေ့အကြုံအသစ်များ စုစည်းခြင်း ဖြစ်ကြောင်း သိရသည်။

ထို့နောက် Shenzhou-13 အာကာသယာဉ်မှူးအဖွဲ့သည် ပတ်လမ်းမစ်ရှင် (on-orbit missions)များကို ထမ်းဆောင်သွားမည်ဖြစ်ပြီး “ကောင်းမွန်သည့်အနေအထား”ဖြင့် နှစ်သစ်ကို ကြိုဆိုသွားမည်ဖြစ်ရာ တရုတ်အာကာသယာဉ်မှူးများက ပထမဆုံးအကြိမ် အာကာသတွင် နှစ်သစ်ကူးပွဲတော်ကို ဖြတ်ကျော်ကြမည် ဖြစ်ကြောင်း သိရသည်။ (Xinhua)