ရွန္ဟိုင္း ေျမေအာက္ရထားလိုင္းက ကမာၻ႔အရွည္ဆုံးရထားလမ္း ျဖစ္လာ
တရုတ်နိုင်ငံ ရှန်ဟိုင်းမြို့ရှိ မြေအောက်ရထားလမ်းကွန်ရက်၏ မြေအောက်ရထားလိုင်းအသစ် နှစ်လိုင်းသည် ဒီဇင်ဘာ ၃၀ ရက်၌ လုပ်ငန်းစတင်လည်ပတ်ခြင်းနှင့်အတူ ရထားလမ်းကွန်ရက် စုစုပေါင်းအရှည်သည် ၈၃၁ ကီလိုမီတာအထိ တိုးချဲ့သွားမည်ဖြစ်ကာ ကမ္ဘာပေါ်တွင် အရှည်ဆုံးဖြစ်လာမည်ဖြစ်ကြောင်း ရှန်ဟိုင်း မြေအောက်ရထားစနစ်အရ သိရသည်။
အဆိုပါ ရထားလမ်းအသစ်နှစ်လိုင်း ဖွင့်လှစ်ခြင်းသည် ရှန်ဟိုင်းမြို့ရှိ အပြည့်အဝ အလိုအလျောက်လည်ပတ်သော မြေအောက်ရထားလိုင်း အရေအတွက်ကို စုစုပေါင်း ၅ ခုအထိ ရှိလာစေမည်ဖြစ်ကာ ပြေးဆွဲသည့်ရထားလမ်းအရှည် ၁၆၇ ကီလိုမီတာရှိပြီး ပထမဆုံးအကြိမ်အဖြစ် ကမ္ဘာပေါ်တွင် ပထမအဆင့် ဖြစ်လာကြောင်း ရှန်ဟိုင်း မြေအောက်ရထားစနစ်က ဆိုသည်။
လည်ပတ်နေသောလမ်းအရှည် ၃၈ ကီလိုမီတာနှင့်အတူ လိုင်းအသစ် ၁၄ လိုင်းသည် ရှန်ဟိုင်းမြို့တွင် ပထမဆုံး အပြည့်အဝ အလိုအလျောက်ပြေးဆွဲနိုင်သော မြေအောက်ရထားလိုင်းဖြစ်သည်။ ဘူတာရုံ ၃၁ ခုဖြင့် အဆိုပါ ရထားလိုင်းသည် ရှန်ဟိုင်းမြို့ပြတွင် ရေပြင်ညီပင်မလမ်းကြောင်းတစ်ခု ဖြစ်လာမည်ဟု မျှော်မှန်းထားကြောင်း သိရသည်။ (Xinhua)