ေရေအာက္တြင္ နစ္ျမဳပ္ေနသည့္ ႏွစ္ေပါင္း ၁၆၀ ေက်ာ္ သက္တမ္းရွိ သစ္သားသေဘၤာႀကီး ဆယ္ယူမႈအား တ႐ုတ္ႏိုင္ငံအေရွ႕ပိုင္း ရွန္ဟိုင္းၿမိဳ႕တြင္ စတင္

ရေအောက်တွင် နစ်မြုပ်နေသည့် နှစ်ပေါင်း ၁၆၀ သက်တမ်းရှိ သင်္ဘောကြီး၏ ဆယ်ယူမှု လုပ်ငန်းကို ဗုဒ္ဓဟူးနေ့တွင် စတင်ဆောင်ရွက်ခဲ့သည်။ ၎င်းမှာ ယနေ့အထိ တရုတ်နိုင်ငံ ရေအောက်တွင် တွေ့ရှိရသည့် အကြီးဆုံးနှင့်အကောင်းဆုံးထိန်းသိမ်းထားနိုင်သည့် သစ်သားသင်္ဘောကြီး ဖြစ်ကြောင်းသိရသည်။

ရေအောက်ရှိ ယင်းသင်္ဘောကြီးသည် ချင်းမင်းဆက် ဧကရာဇ်မင်းကြီး ထုံကျစ်လက်ထက်(၁၈၆၂ ခုနှစ်-၁၈၇၅ ခုနှစ်)က ကုန်သင်္ဘောဖြစ်ပြီး ယဉ်ကျေးမှုအမွေအနှစ်ပစ္စည်း အများအပြားပါရှိကြောင်း သိရသည်။

“ယန်ဇီ အမှတ်(၂)” အမည်ရှိသည့် အဆိုပါသင်္ဘောကြီးကို တရုတ်နိုင်ငံ ရှန်ဟိုင်းမြို့ ချုံမင်ခရိုင် ဟန်ဆားကျွန်း အရှေ့မြောက်ဘက် ဟန်ဆားရေတိမ်ပင်လယ်ကြမ်းခင်း အနက် ၅.၅ မီတာခန့်တွင် တွေ့ရှိခဲ့ရခြင်း ဖြစ်သည်။
ရှေးဟောင်းသုတေသန စူးစမ်းလေ့လာချက်များအရ သင်္ဘော၏ အရှည်သည် ၃၈.၅ မီတာ ရှိပြီး သင်္ဘောအလယ်ပိုင်း အကျယ်ဆုံးနေရာမှာ ၇.၈ မီတာ ရှိကြောင်း သိရသည်။ အခန်းပေါင်း ၃၁ ခန်းပါရှိသည့် ယင်းသင်္ဘောတွင် တရုတ်နိုင်ငံ အရှေ့ပိုင်း ကျန်းရှီးပြည်နယ်”ကြွေထည်မြို့တော်” ကျင်တယ်ကျန့်၏ ကြွေထည်များတင်ဆောင်ထားပြီး လက်ရာပြောင်မြောက်သည့် ယဉ်ကျေးမှုအမွေအနှစ်ပစ္စည်းများ ပါရှိကြောင်း ဆိုသည်။ (Xinhua)

တရုတ်နိုင်ငံ အရှေ့ပိုင်း ရှန်ဟိုင်းမြို့ ဝိုက်ကောင်းချောင် ဆိပ်ကမ်းတွင် “ယန်ဇီ အမှတ်(၂)” သင်္ဘောကြီး ဆယ်ယူခြင်းအခမ်းအနားကို မတ် ၂ ရက်တွင် ကျင်းပစဉ်(ဆင်ဟွာ)