အေမရိကန္ႏိုင္ငံက ျပည္တြင္းျပည္ပစကားသံကို နားေထာင္ၿပီး န်ဴကလီးယားလက္နက္ ဦးစြာ အသုံးမျပဳေရး မူဝါဒကို က်င့္သုံးမည္ဟု ေမွ်ာ္လင့္ေၾကာင္း တ႐ုတ္ႏိုင္ငံျခားေရးဝန္ႀကီးဌာန ေျပာၾကား

အမေရိကန်နိုင်ငံသည် ပြည်တွင်းပြည်ပ စကားသံကို နားထောင်ပြီး အမျိုးသားလုံခြုံရေးမူဝါဒတွင် နျူကလီယားလက်နက်၏ အခန်းကဏ္ဍကို လက်တွေ့လျှော့ချသွားရန်၊ မဟာဗျူဟာ အင်အားတည်ဆောက်ရာနှင့်စီမံရာတွင် ထိန်းထိန်းသိမ်းသိမ်းရှိရန်၊ နျူကလီးယားလက်နက် ဦးစွာ အသုံးမပြုရေး မူဝါဒကို ကျင့်သုံးရန် မျှော်လင့်ကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဝမ်းဝန်ပင်းက ဇန်နဝါရီ ၆ ရက်တွင် ပြောကြားခဲ့သည်။

ယင်းနေ့တွင် ကျင်းပသည့် ပုံမှန်သတင်းစာရှင်းလင်းပွဲတွင် သတင်းထောက်တစ်ဦးက “နျူကလီးယား ၅ နိုင်ငံ ခေါင်းဆောင်များက နျူကလီးယားစစ်ပွဲကာကွယ်တားဆီးရေးဆိုင်ရာ ပူးတွဲကြေညာချက်ကို ပြီးခဲ့တဲ့ရက်မှာ အတူထုတ်ပြန်ကြတာကို နိုင်ငံတကာအသိုက်အဝန်းက နွေးထွေးစွာ တုန့်ပြန်မှုခဲ့ကြပါတယ်။ “နျူကလီးယားစစ်ပွဲတွင် အနိုင်မရှိသလို တိုက်၍လည်းမဖြစ်ဘူး’ဆိုတာကို ၅နိုင်ငံစလုံးက သဘောတူတယ်ဆိုရင် နျူကလီယားလက်နက် ဦးစွာအသုံးပြုတဲ့ မူဝါဒကို အမေရိကန်က စွန့်လွတ်ဖို့ဟာ နောက်တစ်ဆင့်လျော်ကန်တဲ့ ခြေလှမ်းဖြစ်တယ်။ ဘိုင်ဒန်အစိုးရက နျူကလီးယားလက်နက် ဦးစွာအသုံးမပြုဖို့ ကတိကဝတ်ပြုသင့်တယ်လို့ အမေရိကန် ပညာရှင်အချို့က ပြောကြားခဲ့တယ်။ ယင်းအပေါ် တရုတ်နိုင်ငံက ဘယ်လို မှတ်ချက်ပြုချင်ပါသလဲ”ဟု မေးမြန်းခဲ့သည်။

“သက်ဆိုင်ရာ သတင်းများကို တရုတ်နိုင်ငံက ဂရုပြုမိပါတယ်”ဟု ဝမ်ဝန်ပင်းက ဆိုသည်။ နျူကလီးယား ၅ နိုင်ငံတွင် တရုတ်နိုင်ငံသည် နျူကလီးယားလက်နက် ဦးစွာ အသုံးမပြုရန် ကတိကဝတ်ပြုခဲ့သည့် တစ်ခုတည်းသောနိုင်ငံဖြစ်ကြောင်း၊ ထိုမူဝါဒသည် နျူကလီးယားအန္တရာယ်ကို လျှော့ချရာနှင့် နျူကလီးယားစစ်ပွဲ ကာကွယ်တားဆီးရန်အတွက် အရေးကြီးသည့် အခန်းကဏ္ဍဖြစ်ရာ နျူကလီးယားနိုင်ငံမဟုတ်သော နိုင်ငံအများအပြား၏ အသိအမှတ်ပြု ကြိုဆိုမှုကို ရရှိခဲ့ကြောင်း ပြောကြားခဲ့သည်။

“၅ နိုင်ငံက နျူကလီးယားစစ်ပွဲ ကာကွယ်တားဆီးရေး ပူးတွဲကြေညာချက်ပေါ်အခြေခံပြီး နျူကလီးယားလက်နက် ဦးစွာအသုံးပြုတဲ့ နျူကလီးယားခြိမ်းခြောက်မှုမူဝါဒကို စွန့်လွှတ်ဖို့၊ နျူကလီးယားလက်နက် ဦးစွာအသုံးမပြုဖို့ အပြန်အလှန်ကတိကဝတ်ပြုကာ နိုင်ငံတကာဥပဒေဆိုင်ရာ စာရွက်စာတမ်းအကြောင်းအရာများကို ဆွေးနွေးညှိနှိုင်းသွားကြဖို့ မျှော်လင့်ပါတယ်၊ ထို့အတွက်လည်း တရုတ်နိုင်ငံက အပြုသဘောဆက်လက် ကြိုးပမ်းဆောင်ရွက်သွားလိုတယ် ”ဟု ၎င်းက ပြောကြားခဲ့သည်။

နျူကလီးယား ၅ နိုင်ငံ ပူးတွဲကြေညာချက်က အမေရိကန်၏နျူကလီးယားအခြေအနေသုံးသပ်ချက်ရလဒ်ကို အပြုသဘောသက်ရောက်မှု ရှိဖို့ နိုင်ငံတကာအသိုက်အဝန်းက မျှော်လင့်ကြောင်း ဝမ်းဝန်ပင်းက ပြောကြားခဲ့သည်။ “အမေရိကန်အနေနဲ့ ပြည်တွင်းပြည်ပ စကားသံကို နားထောင်ပြီး အမျိုးသားလုံခြုံရေးမူဝါဒမှာ နျူကလီးယားလက်နက်ရဲ့အခန်းကဏ္ဍကို လက်တွေ့လျှော့ချသွားရန်၊ မဟာဗျူဟာအင်အားတည်ဆောက်ရေးနှင့် စီမံရေးတွင် ထိန်းထိန်းသိမ်းသိမ်းရှိရန် ၊နျူကလီးယားလက်နက် ဦးစွာ အသုံးမပြုရေး မူဝါဒကို ကျင့်သုံးရန် မျှော်လင့်ပါတယ်။ တစ်ချိန်တည်းမှာပဲ အမေရိကန်ရဲ့သက်ဆိုင်ရာ မဟာမိတ်တွေကလည်း နိုင်ငံတကာအသိုက်အဝန်းဆန္ဒကို လိုက်လျောပြီး အပြုသဘော အားပေးထောက်ခံကြရန် မျှော်လင့်ထားပြီး အဆိုပါမူဝါဒ ကျင့်သုံးရေးဆောင်ရွက်ရာတွင် အမျိုးမျိုးနှောင့်ယှက်ရမှာမဟုတ်ဘူး”ဟု ပြောကြားခဲ့သည်။ (Xinhua)