တ႐ုတ္ႏိုင္ငံက ၂၀၂၂ ခုႏွစ္တြင္ အဘယ္ေၾကာင့္ ကမာၻ႔စီးပြားေရး ျပန္လည္နာလန္ထူေရးအင္ဂ်င္အျဖစ္ ဆက္လက္ရွိေနသနည္း

တရုတ်နိုင်ငံသည် COVID-19 ကပ်ရောဂါကြောင့် စိန်ခေါ်မှုများနှင့် မသေချာမှုရှိနေသော်ငြားလည်း အားကောင်းသော စီးပွားရေး ကြံ့ကြံ့ခံနိုင်ခြင်းနှင့်အတူ ၂၀၂၂ ခုနှစ်တွင် ကမ္ဘာ့စီးပွားရေး ပြန်လည်နာလန်ထူရေးအတွက် မျှော်လင့်ချက်မြင့်တက်နေဆဲဖြစ်ကြောင်း သိရသည်။

တရုတ်နိုင်ငံသည် ၂၀၂၁ ခုနှစ်တွင် ကမ္ဘာ့စီးပွားရေးတိုးတက်မှုအား အကြီးမားဆုံးထောက်မပေးသူအဖြစ် ဆက်လက်ရှိနေကြောင်း ဒီဇင်ဘာလတွင် ကျင်းပခဲ့သော နိုင်ငံတကာဘဏ္ဍာရေးဖိုရမ် (IFF) ၏ နှစ်ပတ်လည်အစည်းအဝေးက ထုတ်ပြန်ချက်တွင် ဖော်ပြထားသည်။

တရုတ်နိုင်ငံ၏ စီးပွားရေးသည် ယခုနှစ်တွင် ၅.၆ ရာခိုင်နှုန်း တိုးတက်မည်ဖြစ်ကာ ကမ္ဘာ့စီးပွားရေးတိုးတက်မှုထက် ပွိုင့် ၀.၇ ရာခိုင်နှုန်း မြင့်မားမည်ဖြစ်ကြောင်း အပြည်ပြည်ဆိုင်ရာငွေကြေးရန်ပုံငွေအဖွဲ့က ခန့်မှန်းထားသည်။

ကမ္ဘာ့ဒုတိယအကြီးဆုံးစီးပွားရေးနိုင်ငံဖြစ်သော တရုတ်နိုင်ငံသည် ကမ္ဘာ့စီးပွားရေးနိုင်ငံများနှင့်အတူ ကြီးမားသောစုစည်းမှုကို ဆက်လက်ရှာဖွေလျက် စွမ်းအင်အသုံးပြုမှုနှင့် တီထွင်ဆန်းသစ်မှုများဖြင့် တိုးမြှင့်ပုံဖော်သွားမည်ဖြစ်ကြောင်း လေ့လာဆန်းစစ်သူများက ယုံကြည်ထားသည်။

သုံးစွဲမှုများ တဖြည်းဖြည်းအရှိန်ရလာခြင်း

 

၂၀၂၁ ခုနှစ် ပထမသုံးလပတ်အတွင်း နောက်ဆုံး သုံးစွဲသူ အသုံးစရိတ်သည် တရုတ်နိုင်ငံ၏ စီးပွားရေးတိုးတက်မှုအပေါ် ၆၄.၈ ရာခိုင်နှုန်း အထောက်အကူပြုခဲ့ပြီး ယင်းနှစ် ပထမနှစ်ဝက်တွင် ရှိခဲ့သောအဆင့်ထက် ပွိုင့် ၃.၁ ရာခိုင်နှုန်း မြင့်တက်ခဲ့ကြောင်း အမျိုးသား စာရင်းအင်းဗျူရိုမှ အချက်အလက်၌ ဖော်ပြထားသည်။

သုံးစွဲမှုသည် ၂၀၂၁ ခုနှစ် တရုတ်နိုင်ငံ စီးပွားရေး၏ ထောက်တိုင်တစ်ခုအဖြစ် ဆောင်ကြဉ်းပေးခဲ့ကြောင်း၊ တရုတ်နိုင်ငံသည် ထပ်မံပေါ်ထွက်လာသော စားသုံးသူတောင်းဆိုချက်အား ကြိုးပမ်းအားထုတ်မှုများ ဆောင်ရွက်ရန် မျှော်လင့်ထားကြောင်း China Minsheng Bank မှ လေ့လာဆန်းစစ်သူအကြီးအကဲ Wen Bin က ပြောခဲ့သည်။

တရုတ်နိုင်ငံသည် ၂၀၂၂ ခုနှစ်တွင် တက်ကြွသော ဈေးကွက်နေရာများ လှုံ့ဆော်ပေးရန်နှင့် နိုင်ငံ့စီးပွားရေး လည်ပတ်မှု အဆင်ပြေချော့မွေ့စေရေး အာရုံစိုက်လျက် ထုတ်ကုန်မြှင့်တင်ရန် အခွန်အကောက်လျှော့ပေါ့ပေးခြင်းဆိုင်ရာ ဖွဲ့စည်းပုံပြုပြင်ပြောင်းလဲရေး နက်ရှိင်းစေရန် မိုက်ခရိုစီးပွားရေး မူဝါဒများကို ကိုင်စွဲသွားမည်ဖြစ်ကြောင်း၂၀၂၁ ခုနှစ် ဒီဇင်ဘာလတွင် ပြုလုပ်ခဲ့သော ဗဟိုစီးပွားရေးလုပ်ငန်း ကွန်ဖရင့်တွင် ပြောကြားခဲ့သည်။

တရုတ်နိုင်ငံ၏ စားသုံးသူဈေးကွက်အား အခိုင်အမာတိုးချဲ့ခြင်းဖြင့် ပြည်ပကုန်သွယ်ရေးတိုးတက်မှုအား အခြေခိုင်ခံ့စေနိုင်ကြောင်း တရုတ် နိုင်ငံတကာကုန်သွယ်မှု မြှင့်တင်ရေး၊ ကျဲ့ကျန်းပြည်နယ်ကော်မတီဆိုင်ရာကောင်စီ ဒုတိယဥက္ကဋ္ဌ Lin Wei က ပြောခဲ့သည်။

တရုတ်နိုင်ငံ၏ ကြီးမားသောဈေးကွက်က ၂၀၂၁ ခုနှစ် ပထမနှစ်ဝက်၌ ကမ္ဘာ့သွင်းကုန်တိုးတက်မှု၏ ၁၄.၈ ရာခိုင်နှုန်း အထောက်အကူပြုပေးထားကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနအရ သိရသည်။

ဒေသတွင်း ဘက်စုံစီးပွားရေးမိတ်ဖက်ဆောင်ရွက်မှု (RCEP) သဘောတူညီချက် အကောင်အထည်ဖော်ခြင်းသည် တရုတ်နိုင်ငံ၏ တံခါးဖွင့်စီးပွားရေးအတွက် သမိုင်းမှတ်တိုင်သစ်အဖြစ် ဇန်နဝါရီ ၁ ရက်က အထိမ်းအမှတ်ဖြစ်ခဲ့သည်။ ယင်းမှာ တရုတ်နိုင်ငံက ဝန်ဆောင်မှုလုပ်ငန်း ကုန်သွယ်ရေး တံခါးဖွင့်လှစ်ခြင်းနှင့် ရင်းနှီးမြှုပ်နှံမှုကန့်သတ်စာရင်းများအပေါ်ထားရှိသည့် ကတိကဝတ်များ ဖြည့်ဆည်းသွားမည်ဟု ဆိုလိုခြင်းဖြစ်သည်။

မောင်းနှင်အားအသစ်များ ပေါ်ထွက်လာခြင်း

တရုတ်နိုင်ငံသည် ယခုနှစ်တွင် နိုင်ငံ၏ စက်မှုလုပ်ငန်းကဏ္ဍ အဆင့်မြှင့်တင်ခြင်းနှင့် မောင်းနှင်အား အသစ်များ တိုးတက်ရန် ကြိုးပမ်းခြင်း ဆက်လက်လုပ်ဆောင်သွားမည်ဖြစ်ကာ တရုတ်နိုင်ငံ၏ ပြည်ပစီးပွားရေးလုပ်ငန်း တိုးတက်မှု အပြောင်းအလဲဖြစ်စေရန် ထပ်မံလုပ်ဆောင်သွားမည်ဖြစ်သည်။

တရုတ်နိုင်ငံသည် အခြေခံအဆောက်အအုံ ရင်းနှီးမြှုပ်နှံမှု၌ တိုးတက်သော ရွှေ့ပြောင်းမှုများ ဆောင်ရွက်သွားမည်ဖြစ်ကြောင်းနှင့် သိပ္ပံ-နည်းပညာ တီထွင်ဆန်းသစ်မှုနှင့် အစိမ်းရောင် ဖွံ့ဖြိုးတိုးတက်မှုအတွက် ထောက်ပံ့မှုရရှိရန် လမ်းညွှန်သွားမည်ဖြစ်ကြောင်း သိရသည်။

ဆေးဝါးများ၊ ကွန်ပျူတာများနှင့် ရုံးလုပ်ငန်းကိရိယာများကဲ့သို့ နည်းပညာမြင့် ကုန်ထုတ်လုပ်မှုလုပ်ငန်းများသည် ၂၀၂၂ ခုနှစ်တွင် သိပ္ပံ-နည်းပညာ တီထွင်ဆန်းသစ်မှုအား တွန်းအားပေးရန် နိုင်ငံ၏ စဉ်ဆက်မပြတ် ကြိုးပမ်းအားထုတ်မှုများကြားမှ လျင်မြန်သော တိုးတက်မှုကို ထိန်းထားရန် အလားအလာရှိကြောင်း Bank of China အဆင့်မြင့်သုတေသီ Chen Weidong က ပြောခဲ့သည်။

နိုင်ငံတကာ စီးပွားရေးလုပ်ငန်းနှင့် စီးပွားရေးဆိုင်ရာတက္ကသိုလ် ပါမောက္ခ Tu Xinquan က တရုတ်နိုင်ငံဥ စက်မှုလုပ်ငန်း ပြန်လည်တည်ဆောက်ရေးလုပ်ဆောင်နေစဉ်မှာ ပြည်ပရင်းနှီးမြှုပ်နှံမှုများကလည်း ခေတ်မီဝန်ဆောင်မှလုပ်ငန်းများနှင့် အဆင့်မြင့် ကုန်ထုတ်လုပ်မှုလုပ်ငန်းများအတွင်းသို့ စီးဆင်းသွားမည်ဖြစ်ကြောင်း ပြောကြားခဲ့သည်။

ထို့ပြင် တရုတ်နိုင်ငံ၏ ကာဗွန်လျှော့ချရေး တိုးတက်မှုထံ အသွင်ကူးပြောင်းမှုက အစိမ်းရောင်ဖွံ့ဖြိုးတိုးတက်မှုအတွင်းသို့ ဆွဲဆောင်လျက်ရှိပြီး ပြည်တွင်းနှင့် ပြည်ပ ကုမ္ပဏီများအတွက် အခွင့်အလမ်းများ ဖန်တီးပေးလျက်ရှိသည်။

ပြီးခဲ့သည့်နှစ် နိုဝင်ဘာလက ကျင်းပခဲ့သော စတုတ္ထအကြိမ်မြောက် တရုတ် နိုင်ငံတကာ သွင်းကုန်ပြပွဲတွင် Honeywell International က အစိမ်းရောင်နှင့် ကာဗွန်လျှော့ချရေး ဖွံ့ဖြိုးတိုးတက်မှု၊ အဆင့်မြင့်ကုန်ထုတ်လုပ်ရေးနှင့် ဒစ်ဂျစ်တယ်အသွင်ကူးပြောင်းရေးဆိုင်ရာ တရုတ်စီးပွားရေးလုပ်ငန်း၂၀ ကျော်နှင့် ပူးပေါင်းဆောင်ရွက်ရေး သဘောတူစာချုပ်များ လက်မှတ်ရေးထိုးခဲ့ကြောင်း သိရသည်။

တရုတ်နိုင်ငံ၏ အစိမ်းရောင်နှင့် ကာဗွန်လျှော့ချရေး အသွင်ကူးပြောင်းမှုသည် နိုင်ငံစုံပါဝင်သော စီးပွားရေးလုပ်ငန်းများထံ ဖွံ့ဖြိုးတိုးတက်မှု အခွင့်အလမ်းများ ကျယ်ကျယ်ပြန့်ပြန့် ဆောင်ကြဉ်းပေးလျက်ရှိကြောင်း Honeywell China and Aerospace Asia Pacific ဥက္ကဋ္ဌ Steven Lien က ပြောကြားခဲ့သည်။ (Xinhua)