ဗီယင္က်န္းၿမိဳ႕ႏွင့္ စူးက်ိဳးၿမိဳ႕ၾကား ကုန္တင္ရထား စတင္ေျပးဆြဲခဲ့

တရုတ်နိုင်ငံ အရှေ့ဘက် ကုန်စည်တင်ပို့မှုတွင် အဓိက အချက်အချာမြို့ဖြစ်သော စူးကျိုးမြို့နှင့် လာအိုနိုင်ငံ၏ မြို့တော် ဗီယင်ကျန်းမြို့အကြား ကုန်စည်ပို့ဆောင်ရေးရထားလမ်းကြောင်းကို စတင်ပြေးဆွဲခဲ့ကြောင်း ရထားအော်ပရေတာ၏ပြောကြားချက်အရ သိရသည်။

ကုန်စည်စုစုပေါင်းတန်ဖိုး ယွမ်သန်း ၅၀ (အမေရိကန်ဒေါ်လာ ၇.၈၅သန်း) ရှိသော LCDs နှင့် မော်တော်ယာဉ်အစိတ်ပိုင်းကဲ့သို့ ကုန်စည် များတင်ဆောင်ထားသော ရထားတစ်စီးသည် စူးကျိုးမြို့ မှ ဇန်နဝါရီ ၁၁ ရက်တွင် ထွက်ခွါခဲ့ပြီး ၇ ရက်အတွင်း ဗီယင်ကျန်း မြို့သို့ ဆိုက်ရောက်ရန် မျှော်မှန်းထားကြောင်း Suzhou International Train Freight ကုမ္ပဏီလီမီတက်မှ သိရသည်။

၁၀၃၅ ကီလိုမီတာ ရှည်လျားသည့် တရုတ်-လာအို ရထားလမ်း သည် ၂၀၂၁ခုနှစ်၊ ဒီဇင်ဘာ ၃ ရက် တွင် စတင်လည်ပတ်ပြီးသည့်နောက် ၎င်းရထားသည် စူးကျိုး-ဗီယင်ကျန်း ကြား ပြေးဆွဲသော ပထမဆုံး ကုန်တင်ရထားဖြစ်သည်။

“အနာဂတ်မှာ တရုတ်-လာအို မီးရထား ကုန်စည်ပို့ဆောင်ရေး ရထားဟာ အပတ်စဉ် ပြေးဆွဲဖို့ မျှော်လင့်ထားပြီး နိုင်ငံတကာကုန်စည်ပို့ဆောင်ရေးအတွက် တည်ငြိမ်တဲ့ လမ်းကြောင်း ဖြစ်လာဖို့ မျှော်လင့်ပါတယ်”ဟု Suzhou International Train Freight ကုမ္ပဏီလီမီတက်မှ အထွေထွေမန်နေဂျာ Zhang Fan ကပြောသည်။ (Xinhua)