တ႐ုတ္ႏိုင္ငံက ျပည္ပတြင္ စီမံကိန္းမ်ားတည္ေဆာက္ေနျခင္းသည္ စီးပြားေရးဖြံ႕ၿဖိဳးတိုးတက္ရန္ျဖစ္ ၊ ဗိုလ္က်စိုးမိုးရန္ မဟုတ္ဟု ေလ့လာသူသုံးသပ္

ပြည်ပနိုင်ငံများ၌ တရုတ်နိုင်ငံ၏ စီးပွားရေးလုပ်ငန်းများသည် ဗိုလ်ကျစိုးမိုးရန် အားထုတ်ကြံရွယ်ခြင်းမဟုတ်ကြောင်း ၊ သို့သော် ပြောင်းလဲနေသည့်ကမ္ဘာကြီးတွင် တိုးတက်ဖြစ်ထွန်းမှုလမ်းကြောင်းအား ဆုပ်ကိုင်ခြင်းကို ထိန်းသိမ်းရန်အတွက်ဖြစ်ကြောင်း ဗြိတိန်စာရေးဆရာ နှင့် လေ့လာသုံးသပ်သူ Tom Fowdy က ပြောကြားခဲ့သည်။

အမေရိကန်နိုင်ငံသည် ကမ္ဘာတစ်ဝှမ်းတွင် ၎င်း၏ စစ်ရေးတည်ရှိမှုအပေါ်တွင် အာရုံစိုက်ပြီး နိုင်ငံ ၈၀ ကျော်တွင် အခြေစိုက်စခန်း ၇၅၀ ပိုင်ဆိုင်ထားကြောင်း “အမေရိကန်နိုင်ငံက ကမ္ဘာတစ်ဝှမ်းတွင် စစ်အခြေစိုက်စခန်းများတည်ဆောက်နေသည်။တရုတ်နိုင်ငံက စီးပွားရေးတစ်ခုတည်း လုပ်ဆောင်နေသည်”ဟုသော ခေါင်းစဉ်ဖြင့် ရုရှားရုပ်သံလွင့်ဌာန RT ၏ မကြာသေးမီက ထုတ်လွှင့်သည့် Fowdy ၏ ဆောင်းပါးတစ်ပုဒ်တွင် ဖော်ပြထားသည်။

တရုတ်နိုင်ငံသည် ရပ်ဝန်း နှင့် ပိုးလမ်းမ အဆိုပြုချက်(BRI)အောက်တွင် ဥရောပ နှင့် အာဖရိကရှိ နိုင်ငံများစွာနှင့် ပူးပေါင်းဆောင်ရွက်မှုသည် နက်ရှိုင်းလာကြောင်း အရှေ့အာရှရေးရာ အဓိကထားပြီး နိုင်ငံရေး နှင့် နိုင်ငံတကာဆက်ဆံရေး လေ့လာသုံးသပ်သူ Fowdy က ပြောကြားခဲ့သည်။

“ တွန့်ဆုတ်တွေဝေမှုမရှိတဲ့ ကြီးမားတဲ့ မဟာဗျူဟာ ရည်မှန်းချက်နဲ့အတူ အနောက်တိုင်းမဟုတ်တဲ့နိုင်ငံတွေနဲ့ တရုတ်နိုင်ငံရဲ့ ဆက်ဆံရေးဟာ ခိုင်မာတောင့်တင်းလာခဲ့ပြီး ၎င်းတို့ဟာ ရပ်ဝန်းနဲ့ပိုးလမ်းမ အဆိုပြုချက်(BRI)အတွင်းမှာ ပိုမိုနက်ရှိုင်းစွာ ပေါင်းစည်းလာခဲ့ခြင်းဖြစ်ပါတယ်” ဟု ၎င်းက ရေးသားဖော်ပြထားသည်။ (Xinhua)