ေအဒင္ပင္လယ္ေကြ႕တြင္ အေစာင့္အေရွာက္တာဝန္ထမ္းေဆာင္ရန္ တ႐ုတ္ေရတပ္သေဘၤာအုပ္စုသစ္အား ေစလႊတ္

အေဒင်ပင်လယ်ကွေ့ နှင့် ဆိုမာလီကမ်းလွန်ပင်လယ်ပြင်တို့၌ အစောင့်အရှောက်တာဝန် ထမ်းဆောင်ရန် တရုတ်ပြည်သူ့လွတ်မြောက်ရေး တပ်မတော်(PLA) ရေတပ်၏ အကြိမ် ၄၀ မြောက် သင်္ဘောအုပ်စုသည် ဇန်နဝါရီ ၁၅ ရက်တွင် နိုင်ငံတောင်ပိုင်း ကွမ်တုန်းပြည်နယ် ကျန့်ကျန်းမြို့ရှိ စစ်ဘက်ဆိုင်ရာဆိပ်ကမ်းတစ်ခုမှ စတင်ထွက်ခွာသွားခဲ့ကြောင်း သိရသည်။

အဆိုပါရေတပ်သင်္ဘောအုပ်စုသည် ပဲ့ထိန်းဒုံးကျည်ဖျက်သင်္ဘော Hohhot ၊ ဒုံးကျည်ဖရီးဂိတ်စစ်သင်္ဘော Yueyang နှင့် သင်္ဘောပေါ်တွင် အထူးစစ်သည်များ ဒါဇင်ပေါင်းများစွာ နှင့် ရဟတ်ယာဉ်နှစ်စင်း ပါဝင်သည့် ထောက်ပို့သင်္ဘော Luomahu တို့ဖြင့် ဖွဲ့စည်းထားကြောင်း သိရသည်။

တာဝန်အတွက် ကြိုတင်ပြင်ဆင်မှုအနေဖြင့် ရေတပ်သင်္ဘောအုပ်စုသည် ပင်လယ်ပြင်၌ လက်နက်များ အသုံးပြုခြင်း ၊ အကြမ်းဖက်မှုတန်ပြန် တိုက်ခိုက်ရေး နှင့် ပင်လယ်ဓားပြမှုနိမ်နင်းရေး တို့အပြင် ပင်လယ်ပြင်၌ အားဖြည့်ခြင်းတို့အား လေ့ကျင့်ခဲ့ကြောင်း သိရသည်။

တရုတ်ပြည်သူ့လွတ်မြောက်ရေးတပ်မတော်(PLA) ရေတပ်သည် အေဒင်ပင်လယ်ကွေ့ နှင့် ဆိုမာလီ ကမ်းလွန်ပင်လယ်ပြင်တို့၌ ၂၀၀၈ ခုနှစ် ဒီဇင်ဘာလမှ စတင်ကာ အစောင့်အရှောက်တာဝန်များ ထမ်းဆောင်ခဲ့ကြောင်း သိရသည်။ (Xinhua)