တ႐ုတ္ႏိုင္ငံ၊ ယူနန္ျပည္နယ္ ကူမင္း-ခ်ဴရႈန္ အျမန္အေဝးေျပးလမ္းသစ္ဖြင့္လွစ္

တရုတ်နိုင်ငံ ရထားလမ်းဆောက်လုပ်ရေး ခွန်းလွင်ရင်းနှီးမြှုပ်နှံမှုအုပ်စုမှ ရင်းနှီးမြှုပ်နှံပြီး ဖောက်လုပ်ထားသည့် ကူမင်း-ချူရှုန် အမြန်အဝေးပြေးလမ်းသစ်သည် ဇန်နဝါရီ ၂၁ ရက်က စတင်ဖွင့်လှစ်ခဲ့ကြောင်း၊ ယင်းအဝေးပြေးလမ်း ဖွင့်လှစ်ခြင်းသည် ယူနန်ပြည်နယ်၏ အရှေ့-အနောက် စင်္ကြံ လမ်းကြောင်း၏ ကူမင်း-ချူရှုန် အမြန်အဝေးပြေးလမ်းတွင် ဖြစ်ပေါ်သည့် ယာဉ်ကြောပိတ်ဆို့မှုကို သိသိသာသာ သက်သာစေနိုင်မည် ဖြစ်ကြောင်းသိရသည်။ကူမင်း-ချူရှုန် အမြန်အဝေးပြေးလမ်းသည် ယူနန်ပြည်နယ် အနောက်ဘက်မြို့နယ် ၈ ခု (တာ့လီ၊ လိကျန်း၊ တက်ဟုန်း အပါအဝင်) ၏ အဓိက ဆက်သွယ်ရေး လမ်းကြောင်းဖြစ်ရာ ယာဉ်အသွားအလာ များပြားခဲ့ပြီး မကြာသေးမီနှစ်များအတွင်း ယာဉ်ကြောပိတ်ဆို့မှုများ မကြာခဏ ဖြစ်ပွားမှုကြောင့် ယူနန်ပြည်နယ်မှ ကူမင်း-ချူရှုန်၊ ချူရှုန်-တာ့လီ အမြန်အဝေးပြေးလမ်းများ ဆောက်လုပ်ရန် ဆုံးဖြတ်ခဲ့သည်။

ကူမင်း-ချူရှုန် အမြန်အဝေးပြေးလမ်းသစ်သည် ကူမင်းမြို့၊ ဝူဟွာခရိုင်၊ မင်ဆန်းအနီးမှ အစပြုကာ ချူရှုန်ပြည်နယ်ခွဲ ၊ Lufeng မြို့၊ Guangtong မြို့နယ်တွင် အဆုံးသတ်ကြောင်း၊ စုစုပေါင်းအရှည် ၁၀၆ ကီလိုမီတာရှိပြီး တံတားနှင့်ဥမင်လိုဏ်ခေါင်းအချိုးမှာ ၆၂ ဒသမ ၈ ရာခိုင်နှုန်းဖြစ်ကြောင်း၊ နှစ်လမ်းသွား ယာဉ်ကြော ၆ ခု အမြန်လမ်း စံနှုန်းအတိုင်း ဖောက်လုပ်ထားပြီး တစ်နာရီလျှင် ကီလိုမီတာ ၁၀၀ အမြန်နှုန်းဖြင့် မောင်းနှင်နိုင်ကြောင်း သိရသည်။

ကူမင်း-ချူရှုန် အမြန်အဝေးပြေးလမ်းသစ် တည်ဆောက်ပြီးစီးဖွင့်လှစ်ပြီးနောက် ကူမင်းမြို့မှ ချူရှုန်သို့ သွားရန် အချိန် ၁ နာရီသာ လိုအပ်ပြီး ယူနန်အနောက်ပိုင်းစီးပွားရေး ဖွံ့ဖြိုးတိုးတက်မှုကို မြှင့်တင်စေမည့် အဓိကလမ်းကြောင်းသစ် ဖြစ်လာမည်ဟု သိရသည်။(Xinhua)