တ႐ုတ္ႏိုင္ငံ ၏ ရထားလမ္းစသည့္ဌာနမ်ားက ႏွစ္ကူးေႏြဦးပြဲေတာ္ခရီးသြားလာမႈ လုံၿခဳံေရးအာမခံခ်က္ ႏွင့္ ဝန္ေဆာင္မႈလုပ္ငန္းကို အားျဖည့္လုပ္ေဆာင္

ဇန်နဝါရီ ၂၆ ရက်သည် နှစ်ကူးနွေဦးပွဲတော်ခရီးသွားလာမှု၏ ၁၀ ရက်မြောက်နေ့ဖြစ်ရာ နွေဦးပွဲတော်နှင့် နီးကပ်လာသည်နှင့်အမျှ ခရီးသွားလာမှုသည်လည်း တိုးမြင့်လာသည်။တရုတ်နိုင်ငံ ရထားလမ်း၊ လျှပ်စစ်ဓာတ်အား၊ မြို့ပြလေကြောင်း စသည့်ဌာနများက မိမိလုပ်ငန်းခွင်တွင် ဆက်လက်တာဝန်ထမ်ဆောင်နေကြပြီး ကူးစက်ရောဂါ ကာကွယ်ထိန်းချုပ်ရေးနှင့် သယ်ယူပို့ဆောင်ရေး တို့ကို ပူးပေါင်းစီမံဆောင်ရွက်ပြီး ခရီးသည်များအတွက် အဆင်ပြေလုံခြုံသည့် ဝန်ဆောင်မှုများကို အားဖြည့်လုပ်ဆောင်နေ ကြောင်းသိရသည်။

China State Railway Group Co., Ltd. ၏ အချက်အလက်များအရ နွေဦးပွဲတော် ခရီးသွားလာမှု ရှေ့၁၀ ရက် (ဇန်နဝါရီ ၁၇ ရက်မှ ၂၆ ရက်အထိ)တွင် နိုင်ငံတစ်ဝှမ်း ရထားဖြင့် ခရီးသွားလာသူ စုစုပေါင်း ၄၉ ဒသမ ၄၂၃ သန်း ခန့်ရှိပြီး ၎င်းအနက် ခရီးသည် ၆ ဒသမ ၃၅ သန်း ခန့် ကို ဇန်နဝါရီ ၂၆ ရက်တွင် ပို့ဆောင်နိုင်ခဲ့ကြောင်း ခန့်မှန်းထားသည်။

နွေဦးပွဲတော် ခရီးသွားကာလတွင် China Railway ကျိန့်ကျိုးဗျူရို၏ Luoyang Longmen ဘူတာနှင့် အခြားမြန်နှုန်းမြင့်ရထားဘူတာများတွင် ပိုးသတ်ဆေးဖြန်းသည့် စက်ရုပ်များနှင့် သတင်းအချက်အလက်မေးမြန်းသည့်စက်ရုပ် စသည့် နည်းပညာအသစ်များ တပ်ဆင်ထားရှိပြီး ရထားလက်မှတ်စစ်ဆေးရေး နားနေစောင့်ဆိုင်းခြင်း၊ ကပ်ရောဂါထိန်းချုပ်ကာကွယ်ရေးတို့တွင် ထိတွေ့မှုမဲ့ဝန်ဆောင်မှုများကို ပံ့ပိုးပေးလျက်ရှိကာ ခရီးသည်များ၏ ခရီးသွားလာမှုကို ပိုမိုအဆင်ပြေ စေသည်။ နွေဦးပွဲတော်ခရီးသွားကာလအတွင်း အစည်ကားဆုံး မြေအောက်ရထားဘူတာဖြစ်သည့် ရှန်ဟိုင်း Hongqiao မြေအောက်ရထားဘူတာရုံ “Xiaoyu Meteor Scooter ” ဝန်ဆောင်မှုအဖွဲ့သည် ရထားလမ်းဦးစီးဌာနနှင့် ပူးပေါင်းကာ ရောက်ရှိလာသည့် ခရီးသည်များအား မြေအောက်ရထားဘူတာရုံအတွင်း လုံခြုံပြီး စနစ်တကျ ဝင်ရောက်နိုင်ရန် လမ်းညွှန်ပေးသည်။

China Railway စိန်ရန်ဗျူရို၏ Benxi ကုန်စည်သယ်ယူပို့ဆောင်ရေးစင်တာသည် “ကျောက်မီးသွေး ထောက်ပံ့မှုကို အာမခံခြင်း” အထူးလုပ်ဆောင်ချပ်ကို ထိရောက်အားကောင်းသော အစီအမံများဖြင့် အကောင်အထည်ဖော်ခဲ့ပြီး အများပြည်သူများ နွေးထွေးစွာ ပွဲတော်ဆင်နွဲနိုင်ရန် နည်းလမ်းများစွာဖြင့် ကျောက်မီးသွေးသယ်ယူပို့ဆောင်ရေးလုပ်ငန်းများကို လုပ်ဆောင်ခဲ့ကြောင်း သိရသည်။

လျှပ်စစ်ဓာတ်အားကဏ္ဍတွင် State Grid Corporation of Chian Dongying မြို့ လျှပ်စစ်ဓာတ်အားပေးကုမ္ပဏီ မှ ဘက်စုံဓာတ်အားထောက်ပို့ရေး အစီအစဉ်ကို ရေးစွဲကာ နွေဦးပွဲတော် ခရီးသွားကာလအတွင်း လျှပ်စစ်ဝန်အားပြောင်းလဲမှုများကို အာရုံစိုက်ဂရုပြုပြီး လုံခြုံရေးအန္တရာယ်များကို အချိန်မီ ဖယ်ရှားရန် အဝေးပြေးကားဂိတ်၊ မီးရထားဘူတာ၊ အမြန်လမ်းဝန်ဆောင်မှု ဧရိယာ စသည့်နေရာများတွင် လျှပ်စစ်ဓာတ်အားပေးကိရိယာ စစ်ဆေးမှုများ ပြုလုပ်ခဲ့သည်။ State Grid Corporation of Chian ကွေ့ကျိုးပြည်နယ်၊ ကွေ့ယန်မြို့လျှပ်စစ်ဓာတ်အားပေးကုမ္ပဏီ မှ မီးရထားဘူတာ၊ လေဆိပ်နှင့် အဝေးပြေးကားဂိတ် စသည့် နွေဦးပွဲတော် ခရီးသွားကာလအတွင်း အဓိက ဓာတ်အားထောက်ပို့ရေး နေရာ ၂၀ ကျော်တွင် လျှပ်စစ်ဓာတ်အားပေးကိရိယာ စစ်ဆေးခြင်းနှင့် လျှပ်စစ်ဓာတ်အားသုံးစွဲမှု စစ်ဆေးခြင်းများကို ဆက်လက်ဆောင်ရွက်ကာ နွေဦးပွဲတော် ခရီးသွားလာမှုအတွင်း အိမ်ပြန်လမ်း လုံခြုံစေရေးအတွက် စောင့်ရှောက်ပေးသည်။ State Grid Corporation of Chian ကျိနန်မြို့၊ လျန်ဆန်းခရိုင်လျှပ်စစ်ဓာတ်အားပေးကုမ္ပဏီမှ “နွေဦးပွဲတော်အတွင်း လျှပ်စစ်မီးရရှိရေးကို အာမခံပြီး အိမ်အပြန်လမ်းကို နွေးထွေးစေခြင်း” အထူးလုပ်ဆောင်ချက်ကို စတင်ခဲ့ပြီး ဒေသတွင်း မီးရထားဘူတာများနှင့် အဝေးပြေးကားဂိတ်များ၏ ဓာတ်အားလိုင်းများနှင့် စက်ကိရိယာများကို အကြိမ်ကြိမ် စစ်ဆေးကာ အရေးပေါ် စီမံခန့်ခွဲမှုများ အားကောင်စေရန် လျင်မြန်သော အရေးပေါ်တုံ့ပြန်ရေးယန္တရားကို ထူထောင်၍ ဓာတ်အားပေးလိုင်းများ လုံခြုံပြီး တည်ငြိမ်စွာ လည်ပတ်နိုင်ရန် အားကောင်းသော လုပ်ဆောင်ချက်များ ဆောင်ရွက်ခဲ့သည်။

လေကြောင်းပို့ဆောင်ရေးတွင် မိုးရွာသွန်းခြင်းနှင့် ဆီးနှင်းကျဆင်းခြင်း ရာသီဥတု အခြေအနေအောက်တွင် ခရီးသွားလာမှု ဘေးကင်းတည်ငြိမ်ပြီး စနစ်တကျ ဖြစ်စေရန် ဟဲဖေးလေဆိပ်သည် ဆောင်းရာသီ ရေခဲနှင့် ဆီးနှင်းများ ဖယ်ရှားရေး လုပ်ငန်းနှင့် လေယာဉ်နှောင့်နှေးမှုများကို ဖြေရှင်းရန် အစီအစဥ်ကို ရေးဆွဲချမှတ်ထားပြီး အရေးပေါ် ထောက်ပံ့ရေး လုပ်ငန်းအဖွဲ့ကို ထူထောင်ကာ ၂၄ နာရီ အရေးပေါ် ဝန်ထမ်းများ အသင့်အနေအထား လုပ်ငန်းစနစ်ကို အကောင်အထည်ဖော် ဆောင်ရွက်ခဲ့သည်။ နွေဦးပွဲတော် ခရီးသွားကာလတွင် China Southern Airlines သည် Guiyang-Wuhan-Quzhou လမ်းကြောင်းလိုင်းသစ်ကို ဖွင့်လှစ်ခဲ့ပြီး Guiyang နှင့် Zhuhai ကြား အသွားအပြန် ခရီးစဉ်များကို တိုးချဲ့ခဲ့ပြီး နွေဦးပွဲတော်ကာလတွင် ဒေသများစွာမှ ခရီးသည်များ လေကြောင်းဖြင့် အဆင်ပြေသွားလာနိုင်မှုကို တိုမြှင့်ပေးကြောင်း သိရသည်။ (Xinhua)