“အေမရိကန္ အင္ဒို-ပစိဖိတ္မဟာဗ်ဴဟာ” တြင္ ထိုင္ဝမ္ဆက္စပ္ထည့္သြင္းထားျခင္းကို တ႐ုတ္ျပည္မႀကီးက ကန႔္ကြက္

အမေရိကန်နိုင်ငံ အစိုးရက မကြာသေးမီက ထုတ်ပြန်လိုက်သော အမည်ခံ “အမေရိကန် အင်ဒို-ပစိဖိတ် မဟာဗျူဟာ” တွင် ထိုင်ဝမ်ဆက်စပ်ထည့်သွင်းထားခြင်းအား အပြင်းအထန်ကန့်ကွက်ကြောင်း တရုတ်ပြည်မကြီး ပြောရေးဆိုခွင့်ရှိသူက ဖေဖော်ဝါရီ ၁၄ ရက်၌ ပြောကြားခဲ့သည်။ထိုသို့ဆက်စပ်ပါဝင်မှုအကြောင်းအရာသည် တရုတ်နိုင်ငံ၏ ပြည်တွင်းရေးကို စိုးရိမ်ဖွယ်ဝင်ရောက်စွက်ဖက်နေခြင်း ဖြစ်ကြောင်း၊ တရုတ်တစ်နိုင်ငံတည်း စည်းမျဉ်းနှင့် နိုင်ငံတကာ ဆက်ဆံရေးစီမံအုပ်ချုပ်မှု အခြေခံစံနှုန်းများကို ချိုးဖောက်ခြင်းဖြစ်ကြောင်းနှင့် ထိုင်ဝမ်ရေလက်ကြားတစ်ခွင် ငြိမ်းချမ်းရေးနှင့် တည်ငြိမ်ရေးကို လျော့ပါးစေကြောင်း နိုင်ငံတော်ကောင်စီ ထိုင်ဝမ်ရေးရာ ပြောရေးဆိုခွင့်ရှိသူ Ma Xiaoguang က ပြောကြားခဲ့သည်။

ထိုင်ဝမ်သည် တရုတ်နိုင်ငံ၏ ခွဲခြား၍မရသော အစိတ်အပိုင်းတစ်ခု ဖြစ်ကြောင်း၊ ထိုင်ဝမ်၏အနာဂတ်အား တရုတ်ပြည်သူများအားလုံးကသာ ဆုံးဖြတ်နိုင်ကြောင်းနှင့် ပူးတွဲဆုံးဖြတ်သွားရမည်ဖြစ်ကြောင်း၊ ထိုင်ဝမ်၏ အနာဂတ်နှင့် အကျိုးစီးပွားများသည် အမျိုးသားပြန်လည်ပေါင်းစည်းရေးပေါ်၌သာ မူတည်ကြောင်း Ma က ဖြည့်စွက်ပြောကြားခဲ့သည်။

အမေရိကန်နိုင်ငံအနေဖြင့် တရုတ်တစ်နိုင်ငံတည်း စည်းမျဉ်းနှင့် တရုတ်-အမေရိကန် ပူးတွဲသဘောတူညီချက်များအား လိုက်နာရန်နှင့် ထိုင်ဝမ်နှင့် ဆက်စပ်သော ကိစ္စရပ်များအပေါ် မီးနှင့်ကစားခြင်းကို ရပ်တန့်ရန် ပြောရေးဆိုခွင့်ရှိသူက တိုက်တွန်းခဲ့သည်။

ပြင်ပမှအင်အားစုများပူးပေါင်းကြံစည်ခြင်းနှင့် အမေရိကန်နိုင်ငံ၏ တရုတ်ဆန့်ကျင်ရေး အစီအစဉ်၌ လက်ကိုင်တုတ်အဖြစ် ပြုမူဆောင်ရွက်ခြင်းဖြင့် “ထိုင်ဝမ်လွတ်လပ်ရေး” အတွက် လုပ်ဆောင်ရန် ဒီမိုကရက်တစ်တိုးတက်ရေးပါတီ တာဝန်ရှိသူများ၏ ကြိုးပမ်းမှုသည် ဆုံးရှုံးရမည်သာဖြစ်ကြောင်းလည်း Ma က ဆိုသည်။ (Xinhua)