႐ုရွားစစ္တပ္၏ မဟာဗ်ဴဟာဟန္႔တားေရးအင္အားကို အထူးတိုက္ပြဲဝင္ အသင့္အေနအထားအျဖစ္ တပ္လွန္႔ထားရန္ ပူတင္ အမိန္႔ေပး

ရုရှားစစ်တပ်၏ မဟာဗျူဟာဟန့်တားရေးအင်အားကို အထူးတိုက်ပွဲဝင် အသင့်အနေအထားအဖြစ် တပ်လှန့်ထားရန် ရုရှားသမ္မတ ပူတင်က ဖေဖော်ဝါရီ ၂၇ ရက်က အမိန့်ပေးခဲ့ကြောင်း ကရင်မလင်နန်းတော် ဝဘ်ဆိုက် သတင်းများအရ သိရသည်။“အဓိက နေတိုးအဖွဲ့ဝင် နိုင်ငံတွေရဲ့ အဆင့်မြင့်အရာရှိတွေ ကျွန်ုပ်တို့နိုင်ငံကို ကျူးကျော်လိုတဲ့ပြောကြားမှုတွေကြောင့် ရုရှားစစ်တပ်ရှိဟန့်တားရေးအင်အားကို အထူးတိုက်ပွဲဝင် အသင့်အနေအထားအဖြစ် တပ်လှန့်ထားဖို့ ကာကွယ်ရေးဝန်ကြီးနဲ့ စစ်ဦးစီးချုပ်ကို အမိန့်ပေးတာ ဖြစ်တယ်”ဟု ပူတင်က ယင်းနေ့တွင် ရုရှားကာကွယ်ရေးဝန်ကြီး Sergei Shoigu ၊ စစ်ဦးစီးချုပ် Valery Gerasimov တို့နှင့် တွေ့ဆုံစဉ် ပြောကြားခဲ့သည်။

တစ်ချိန်တည်းမှာပင် ပူတင်က “အနောက်နိုင်ငံတွေဟာ စီးပွားရေးကဏ္ဍမှာ ရုရှားကို ချစ်ကြည်ရင်းနှီးမှုမရှိတဲ့ လုပ်ဆောင်မှုတွေ လုပ်ခဲ့တယ် ၊ ကျွန်တော်ဆိုလိုတာက တရားမဝင် ပိတ်ဆို့မှုတွေဆိုတာ လူတိုင်းက ဒါကို ကောင်းကောင်း သိထားတယ်”ဟု အလေးထား ပြောကြားခဲ့သည်။

ရုရှား၏ မဟာဗျူဟာ ဟန့်တားရေးအင်အားရည်ရွယ်ချက်မှာ ရုရှားနှင့်၎င်း၏မဟာမိတ်များအပေါ် ပြင်ပမှ ကျူးကျော်လာမှုကို ဟန့်တားရန်ဖြစ်ပြီး စစ်ပွဲ၌ အသုံးပြုသည့်လက်နက်များတွင် နျူကလီးယားလက်အနက်အပါအဝင် ကျူးကျော်သူအား ဖြိုခွင်းနိုင်သည့် လက်နက်မျိုးစုံပါဝင်ကြောင်း TASS သတင်းအေဂျင်စီက ဖော်ပြထားသည်။ （Xinhua）