အာရွေဒသ၏ အနာဂတ္ကို ေဒသတြင္း၏ လက္ထဲ၌သာ ထိန္းသိမ္းသြားရန္ သမၼတ ရွီ တိုက္တြန္း
တရုတ်နိုင်ငံ သမ္မတ ရှီကျင့်ဖိန်က ၂၀၂၂ ခုနှစ် အာရှဒေသဆိုင်ရာ ဘိုးအောက်ဖိုရမ် နှစ်ပတ်လည်ကွန်ဖရင့် ဖွင့်ပွဲအခမ်းအနား၌ ဗီဒီယိုမိန့်ခွန်းပြောကြားနေစဉ် (ဆင်ဟွာ)
အာရှဒေသအနေဖြင့် ဒေသ၏အနာဂတ်ကို ၎င်းတို့၏ကိုယ်ပိုင်လက်ထဲ၌သာ အမြဲတစေထိန်းသိမ်းသွားမည် ဖြစ်ကြောင်း တရုတ်နိုင်ငံ သမ္မတ ရှီကျင့်ဖိန်က ၂၀၂၂ ခုနှစ် အာရှဒေသဆိုင်ရာ ဘိုးအောက်ဖိုရမ် နှစ်ပတ်လည်ကွန်ဖရင့် ဖွင့်ပွဲအခမ်းအနား၌ ရုပ်သံမိန့်ခွန်းမှတစ်ဆင့် ပြောကြားခဲ့သည်။
“ကျွန်တော်တို့ဒေသတွင်းမှာ ငြိမ်းချမ်းရေးနဲ့ တည်ငြိမ်ရေးက ကျွန်တော်တို့ဆီကို အလိုအလျောက် ရောက်လာတာ ဒါမှမဟုတ် အခြားနိုင်ငံတစ်ခုခုက ပေးလှူမှုကြောင့် ရရှိလာတာမျိုးမဟုတ်ပါဘူး။ ဒါဟာ ဒေသတွင်းနိုင်ငံတွေရဲ့ ပူးပေါင်းကြိုးပမ်းအားထုတ်ခြင်းရဲ့ ရလဒ်ပဲဖြစ်ပါတယ်” ဟု ရှီက အလေးထားပြောခဲ့သည်။
အာရှဒေသက ပထမဆုံး ထောက်ခံခဲ့သော ငြိမ်းချမ်းစွာအတူယှဉ်တွဲနေထိုင်ရေး မူကြီး ၅ ရပ်နှင့် ဘန်ဒေါင်းစိတ်ဓာတ်တို့သည် ယနေ့ခတ်တွင် အားလုံးနှင့် ပိုမိုဆက်စပ်မှုရှိကြောင်း ရှီက ဆိုသည်။
အပြန်အလှန် လေးစားရေး၊ သာတူညီမျှရှိရေး၊ အပြန်အလှန် အကျိုးကျေးဇူးပြုရေးနှင့် ငြိမ်းချမ်းစွာ အတူယှဉ်တွဲနေထိုင်ရေး စသည့်မူများကို ဂုဏ်ယူထိန်းသိမ်းပြီး အိမ်နီးချင်းကောင်းနှင့် မိတ်ဆွေကောင်း မူဝါဒအား လိုက်ပါလျှောက်လှမ်းလျက် အာရှဒေသ၏ အနာဂတ်ကို ၎င်းတို့၏ကိုယ်ပိုင်လက်ထဲ၌သာ အစဉ်အမြဲထိန်းသိမ်းထားရေးကို သေချာစွာဆောင်ရွက်သွားကြရမည်ဖြစ်ကြောင်း ရှီက တိုက်တွန်းပြောကြားခဲ့သည်။ (Xinhua)