တူနီးရွားပင္လယ္ျပင္တြင္ တရားမဝင္ ေ႐ႊ႕ေျပာင္းေနထိုင္သူမ်ား လိုက္ပါလာေသာ သေဘၤာ ၄ စင္း နစ္ျမဳပ္မႈေၾကာင့္ လူ ၁၂ ဦးေသဆုံး

မြေထဲပင်လယ်တွင် ကယ်ဆယ်ရေးသင်္ဘောများ စောင့်ဆိုင်းနေသော ဒုက္ခသည်များအား ၂၀၁၆ ခုနှစ် နိုဝင်ဘာ ၃ ရက်က တွေ့ရစဉ် (ဆင်ဟွာ)

ဧပြီ ၂၃ ရက်က ရွှေ့ပြောင်းနေထိုင်သူ ၁၂၀ ဦးတင်ဆောင်ထားသည့် သင်္ဘော ၄ စင်းသည် တူနီးရှားနိုင်ငံအနီးရှိ ပင်လယ်ပြင်တွင် တိမ်းမှောက်ခဲ့ရာ လူ ၁၂ ဦးသေဆုံးပြီး ၁၀ ဦးပျောက်ဆုံးနေကာ ကျန်ရှိ ၉၈ ဦးအား ကယ်တင်နိုင်ခဲ့ကြောင်း တူနီးရှားကမ်းခြေစောင့်တပ်ဖွဲ့က ထိုနေ့တွင် အတည်ပြုပြောကြားခဲ့သည်။ယင်းရွှေ့ပြောင်းနေထိုင်သူများသည် တူနီးရှားနိုင်ငံအရှေ့ပိုင်းဆိပ်ကမ်း Sfax မှ တစ်ဆင့် မြေထဲပင်လယ်ကို ဖြတ်ကျော်ကာ အီတလီသို့ သွားရောက်ကြရန် စီစဉ်ထားကြောင်း တူနီးရှားကမ်းခြေစောင့်တပ် ဖွဲ့ဝင် ပြောကြားချက်ကို ကိုးကား၍ ရိုက်တာသတင်းဌာနက ဖော်ပြထားသည်။ သေဆုံးသူ ၁၂ ဦးသည် အာဖရိကတိုက် နိုင်ငံများမှ ဖြစ်ကြောင်း သိရသည်။

သတင်းအချက်အလက်များအရ အာဖရိကနှင့် အရှေ့အလယ်ပိုင်းဒေသနေထိုင်သူအချို့က ပဋိပက္ခနှင့် ဆင်းရဲနွမ်းပါးမှုတို့မှ လွတ်မြောက်ရန် ဥရောပသို့ သွားရောက်ခြင်းဖြစ်ကြောင်း သိရသည်။ Sfax ဆိပ်ကမ်းသည် ၎င်းတို့၏ တရားမဝင် ရွှေ့ပြောင်းမှုခရီးစဉ်၏ အဓိကစမှတ်ဖြစ်ကြောင်း အစီရင်ခံစာတွင် ဖော်ပြထားသည်။
တူနီးရှားပြည်ထဲရေး ဝန်ကြီးဌာန၏ ယခုသတင်းပတ်အတွင်း ထုတ်ပြန်ချက်အရ ၂၀၂၁ ခုနှစ်တွင် တူနီးရှားနိုင်ငံအနီးရှိ ပင်လယ်ပြင်၌ ဖမ်းဆီးရမိသည့် တရားမဝင်ရွှေ့ပြောင်းနေထိုင်ရန်ကြိုးပမ်းသူ ၂၀,၀၀၀ ကျော် ရှိကြောင်း သိရသည်။

မကြာသေးမီလများအတွင်း တူနီးရှားနိုင်ငံ၏ အိမ်နီးချင်းနိုင်ငံ လစ်ဗျာမှ စတင်ထွက်ခွာကာ အီတလီသို့ သွားရောက်သည့် တရားမဝင် ရွှေ့ပြောင်းသူများတင်ဆောင်ထားသော သင်္ဘောအများအပြားရှိခဲ့ပြီး တူနီးရှားကမ်းလွန်တွင် ရေနစ်သေဆုံးသူ အများအပြားရှိကြောင်း သိရသည်။

ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး၏ အချက်အလက်များအရ ၂၀၂၁ ခုနှစ်တွင် ရွှေ့ပြောင်းနေထိုင်သူ ၁၂၄၃,၀၀၀ ကျော်သည် အီတလီသို့ ရောက်ရှိခဲ့ပြီး ၂၀၂၀ ပြည့်နှစ်အတွင်း ရွှေ့ပြောင်းသူ အရေအတွက် ၉၅,၀၀၀ ကျော်နှင့် နှိုင်းယှဉ်ပါက သိသိသာသာ တိုးလာကြောင်း သိရသည်။ (Xinhua)