တ႐ုတ္ႏိုင္ငံ သမၼတ ရွီက်င့္ဖိန္က တ႐ုတ္ႏိုင္ငံတကာကုန္သြယ္မႈျမႇင့္တင္ေရးေကာင္စီ (CCPIT) ႏွစ္ ၇၀ ျပည့္ ႏွစ္ပတ္လည္ ကြန္ဖရင့္ႏွင့္ ကမာၻ႔ကုန္သြယ္မႈႏွင့္ ရင္းႏွီးျမႇဳပ္ႏွံမႈျမႇင့္တင္ေရး ထိပ္သီးအစည္းအေဝးသို႔ ဗြီဒီယိုျဖင့္ တက္ေရာက္မိန္႔ခြန္းေျပာၾကား

2022-05-20 18:13:17 |သတင္းအရင္းအျမစ္ 新华网

တရုတ်နိုင်ငံ သမ္မတ ရှီကျင့်ဖိန်က တရုတ်နိုင်ငံတကာကုန်သွယ်မှုမြှင့်တင်ရေးကောင်စီ (CCPIT) နှစ် ၇၀ ပြည့် နှစ်ပတ်လည် ကွန်ဖရင့်နှင့် ကမ္ဘာ့ကုန်သွယ်မှုနှင့် ရင်းနှီးမြှုပ်နှံမှုမြှင့်တင်ရေး ထိပ်သီးအစည်းအဝေးပွဲသို့ မေ ၁၈ ရက်က ဗွီဒီယိုဖြင့် တက်ရောက်မိန့်ခွန်းပြောကြားနေသည်ကို တွေ့ရစဉ်(ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်သည် တရုတ်နိုင်ငံတကာကုန်သွယ်မှုမြှင့်တင်ရေးကောင်စီ (CCPIT) နှစ် ၇၀ ပြည့် နှစ်ပတ်လည် ကွန်ဖရင့်နှင့် ကမ္ဘာ့ကုန်သွယ်မှုနှင့် ရင်းနှီးမြှုပ်နှံမှုမြှင့်တင်ရေး ထိပ်သီးအစည်းအဝေးသို့ မေ ၁၈ ရက်က ဗွီဒီယိုဖြင့် တက်ရောက်မိန့်ခွန်းပြောကြားခဲ့သည်။

ထိုသို့ မိန့်ခွန်းပြောကြားရာတွင် သမ္မတ ရှီကျင့်ဖိန်က တရုတ်နိုင်ငံတကာကုန်သွယ်မှုမြှင့်တင်ရေးကောင်စီ (CCPIT)သည် ၁၉၅၂ ခုနှစ် စတင်တည်ထောင်သည့် အချိန်မှစ၍ တရုတ်နိုင်ငံကိုအခြေပြု ပြီး ကမ္ဘာကို မျက်နှာမူရာ ပြည်တွင်းပြည်ပ လုပ်ငန်းများ၏အကျိုးစီးပွားဆက်သွယ်မှုခိုင်မာရေး၊ နိုင်ငံတကာကုန်သွယ်စီးပွားကူးလူးဖလှယ်ရေးနှင့် နိုင်ငံချင်းဆက်ဆံရေးဖွံ့ဖြိုးတိုးတက်မှုကို မြှင့်တင်ရာတွင် အရေးကြီးသည့် အခန်းကဏ္ဍမှ ပါဝင်ခဲ့ကြောင်း ပြောကြားခဲ့သည်။

တရုတ်နိုင်ငံတကာကုန်သွယ်မှုမြှင့်တင်ရေးကောင်စီ (CCPIT)၏ နှစ် ၇၀ ကြာကာလသည် တရုတ်နိုင်ငံ၏ ပြည်ပသို့ အစဉ်မပြတ် တံခါးတိုးချဲ့ဖွင့်လှစ်ပေးခြင်း၏အရေးကြီးသောဖော်ဆောင်မှု ဖြစ်သလို နိုင်ငံအသီးသီး လုပ်ငန်းများ ဖွံ့ဖြိုးရေးအခွင့်အလမ်းကို အတူမျှဝေ၍ အပြန်အလှန်အကျိုးဖြစ်ထွန်း သည့် ဘုံအကျိုးစီးပွားဖော်ဆောင်ခဲ့သော အဓိကသက်သေဖြစ်ကြောင်း ဆိုသည်။

လက်ရှိ နှစ် ၁၀၀ အပြောင်းအလဲနှင့် ရာစုနှစ်ကပ်ရောဂါ ရောနှောရှုပ်ထွေးနေသည့်အချိန်တွင် ကမ္ဘာလုံးဆိုင်ရာစီးပွားရေးအသွင်ပြောင်းရေး ရေဆန်နှင့် ကြုံတွေ့နေရရာ ကမ္ဘာသည် ပြောင်းလဲ၍မငြိမ်သက်သောကာလသစ်ကို ရောက်ရှိနေကြောင်း၊ နိုင်ငံအသီးသီး ၏စီးပွားရေးလုပ်ငန်းရှင်များက ငြိမ်းချမ်းရေး၊ ဖွံ့ဖြိုးတိုးတက်ရေးကို အထူးပို၍မျှော်လင့်ကြရာ မှန်ကန်သောတရားမျှတမှုအတွက် တောင်းဆိုသံများနှင့်အတူ ပူးပေါင်းဆောင်ရွက်မှုဖြင့် ဘုံအကျိုးစီးပွားဖော်ဆောင်ရေးကို အထူးလိုလာကြောင်း သမ္မတရှီက အလေးထားပြောကြားခဲ့သည်။ ထို့အတွက် သမ္မတရှီကျင့်ဖိန်က အကြံပြုချက် ၄ ရပ် ပြောကြားခဲ့သည်။

ပထမအနေဖြင့် စုပေါင်းအင်အားဖြင့် ကပ်ရောဂါကို အနိုင်တိုက်ဖျက်ရမည်ဖြစ်ကြောင်း ၊ ကိုဗစ်ကပ်ရောဂါ အဖန်တလဲလဲ ကြာရှည်စွာ ဖြစ်ပွားနေခြင်းက ပြည်သူ့အသက်လုံခြုံရေးနှင့်ကျန်းမာရေးအတွက် ဆိုးဝါးသော ခြိမ်းခြောက်မှုဖြစ်စေသလို ကမ္ဘာ့စီးပွားရေးဖွံ့ဖြိုးတိုးတက်ရေးအတွက် ဆိုးဝါးသော သက်ရောက်မှု ဖြစ်ပေါ်စေကြောင်း၊ ပြည်သူနှင့်အသက်အိုးအိမ်ကို ဦးထိပ်ထား၍ ကာကွယ်ဆေး သုတေသနပြု၊ထုတ်လုပ်ရေး၊ ဝေမျှေရေး နိုင်ငံတကာ ပူးပေါင်းဆောင်ရွက်မှုများကို အလေးထားဆောင်ရွက်ရမည် ဖြစ်ကြောင်း၊ ကမ္ဘာလုံးဆိုင်ရာပြည်သူကျန်းမာရေးကဏ္ဍ စီမံခန့်ခွဲမှုကို အားဖြည့်ပြီး ကပ်ရောဂါတိုက်ဖျက်ကာကွယ်ရေးလမ်းကြောင်းများကို အတူတည်ဆောက်၍ လူသားမျိုးနွယ်တို့၏ကျန်းမာရေးကဏ္ဍ ကံကြမ္မာတူအကျိုးတူအသိုက်အဝန်းတည်ဆောက်ရေးအား တွန်းအားပေးဆောင်ရွက်ရမည် ဖြစ်ကြောင်း။

ဒုတိယအနေဖြင့် ကုန်သွယ်ရေးနှင့်ရင်းနှီးမြှုပ်နှံမှုများအား ပြန်လည်အားကောင်းအောင် ဆောင်ရွက်ရမည် ဖြစ်ကြောင်း၊ ကပ်ရောဂါကာကွယ်ထိန်းချုပ်ရေးနှင့်စီးပွားရေးဖွံ့ဖြိုးတိုးတက်ရေးကို ဟန်ချက်ညီစေရန်၊ နိုင်ငံအသီးသီး မက်ခရိုစီးပွားရေးမူဝါဒ ညှိနှိုင်းရေးကို အားဖြည့်ရမည် ဖြစ်ကြောင်း၊ ကုလသမဂ္ဂ၏ ၂၀၃၀ ပြည့်နှစ် စဉ်ဆက်မပြတ် ဖွံ့ဖြိုးတိုးတက်ရေးအစီအစဉ်ကို ဘက်စုံ မြှင့်တင်ဆောင်ရွက်ရမည် ဖြစ်ရာ ကမ္ဘာစီးပွားရေး၏မောင်းနှင်အား အသွင်ပြောင်းလဲရေး၊ နည်းလမ်းပြောင်းလဲရေး၊ ဖွဲ့စည်းမှုချိန်ညှိရေးကို တွန်းအားပေးဆောင်ရွက်ပြီး ကမ္ဘာ့စီးပွား ရေရှည်ကောင်းမွန်စွာ တည်ငြိမ်တိုးတက်ရေးလမ်းကြောင်းသို့ လျှောက်လှမ်းနိုင်အောင် ဆောင်ရွက်ရမည် ဖြစ်ကြောင်း ၊ ကမ္ဘာ့ကုန်သွယ်ရေးအဖွဲ့ (WTO)ဗဟိုပြုသော ဘက်စုံကုန်သွယ်ရေးစနစ်ကို ထောက်ခံအားပေး၍ ကမ္ဘာလုံးဆိုင်ရာ ထုတ်လုပ်မှုလုပ်ငန်းကုန်စည်ပံ့ပိုးရေးကွင်းဆက် လုံခြုံတည်ငြိမ်ရေးကိုထိန်းသိမ်းရမည်ဖြစ်ရာ ပူးပေါင်းဆောင်ရွက်ရေးကို တိုးချဲ့ခြင်းဖြင့် ဖွံ့ဖြိုးရေးရလဒ်များကို နိုင်ငံအသီးသီးရှိပြည်သူများ အကျိုးဖြစ်ထွန်းစေရန် ဆောင်ရွက်ရမည် ဖြစ်ကြောင်း။

တတိယအနေဖြင့် ဆန်းသစ်တီထွန်မှု အားကောင်းအောင် ဆောင်ရွက်ရမည် ဖြစ်ကြောင်း၊ ဆန်းသစ်တီထွင်မှုတိုးတက်ရေးအလားအလာများကို ဖော်ဆောင်ပေးရမည် ဖြစ်သလို ဉာဏပစ္စည်းမူပိုင်ခွင့်ထိန်းသိမ်းခြင်းကို အတူအားဖြည့်ခြင်း၊ ကျယ်ပြန့်သောပူးပေါင်းဆောင်ရွက်မှုနှင့်အများဆန္ဒတည်ဆောက်မှုပေါ်တွင် အခြေခံ၍ စည်းမျဉ်းစည်းကမ်းများ သတ်မှတ်ကာ သိပ္ပံနည်းပညာ ဖွံ့ဖြိုးတိုးတက်သော ပွင့်လင်း၍ တရားမျှတသော ၊ခွဲခြားဆက်ဆံမှုမရှိသော ပတ်ဝန်းကျင်ကို တည်ဆောက်ရမည် ဖြစ်ကြောင်း၊ ဆန်းသစ်တီထွင်မှုကဏ္ဍ ပူးပေါင်းဖလှယ်ရေးအား ထဲထဲဝင်ဝင်ဆောင်ရွက်ရမည် ဖြစ်ပြီး ရလဒ်များအားမျှဝေခြင်းအား မြှင့်တင်ဆောင်ရွက်ရမည်ဖြစ်သလို အသိပညာ၊ နည်းပညာ၊ ထူးချွန်သူစသည့် အကန့်အသတ်အတားအဆီးဖြစ်စေမှုများကို ဖြေရှင်းရန် ကြိုးပမ်းဆောင်ရွက်ရမည် ဖြစ်ကြောင်း။

စတုတ္ထအနေဖြင့် ကမ္ဘာလုံးဆိုင်ရာ စီမံခန့်ခွဲမှုကို ကောင်းမွန်အောင် ဆောင်ရွက်ရမည် ဖြစ်ကြောင်း၊ စစ်မှန်သော နိုင်ငံပေါင်းစုံဘက်ပေါင်စုံဝါဒကို လက်ကိုင်ထားခြင်း၊ အတူညှိနှိုင်း၊ အတူတည်ဆောက်၊ အတူမျှဝေကြသည့် ကမ္ဘာ့လုံးဆိုင်ရာ စီမံခန့်ခွဲမှုအမြင်ကို အကောင်အအထည်ဖော်ဆောင်ခြင်း၊ ကမ္ဘာတစ်ဝှမ်းလုံး၏အရင်းအမြစ်များဖြင့် ကမ္ဘာကြီး၏စိန်ခေါ်မှုများကို ရင်ဆိုင်ဖြေရှင်းခြင်းဖြင့် ကမ္ဘာ့ဖွံ့ဖြိုးတိုးတက်ရေးကို မြှင့်တင်ရမည် ဖြစ်ကြောင်း ၊ ထိပ်တိုက်ရင်ဆိုင်မှုမဟုတ်သည့် ဆွေးနွေးညှိနှိုင်းမှု၊ ဖျက်လိုဖျက်ဆီးမဟုတ်သည့် တည်ဆောက်မှု၊ ချိတ်ဆက်မှုများ လက်ချင်းဖြုတ်ခြင်း မဟုတ်သော ပေါင်းစည်းမှု၊ တရားမျှတမှုအမြင်ဖြင့် ကမ္ဘာလုံးဆိုင်ရာစီမံခန့်ခွဲရေးစနစ် ပြောင်းလဲရေးကို ရှေ့ဆောင်ရမည် ဖြစ်ကြောင်း ပြောကြားခဲ့သည်။

စံနှုန်းမြင့် တိုးချဲ့၍ တံခါးဖွင့်မည့် တရုတ်နိုင်ငံ၏ သန္နိဋ္ဌာန်သည် ပြောင်းလဲမည် မဟုတ်ဘဲ တရုတ်နိုင်ငံ၏တံခါးသည် ပိုမိုကျယ်ပြန့်စွာ ဖွင့်လှစ်ပေးမည်သာ ဖြစ်ကြောင်း သမ္မတရှီကျင့်ဖိန်က ပြောကြားခဲ့သည်။ တရုတ်နိုင်ငံအနေဖြင့် ဈေးကွက်အသွင်၊ ဥပဒေစိုးမိုးမှုအသွင်၊ နိုင်ငံတကာအသွင်ရှိသော စီးပွားရေးပတ်ဝန်းကျင်ကို ဆက်လက် တည်ဆောက်သွားမည်ဖြစ်ကြောင်း၊ ဒေသတွင်းဘက်စုံစီးပွားရေး ပူးပေါင်းဆောင်ရွက်မှုသဘောတူစာချုပ် (RCEP)ကို အဆင့်မြင့် အကောင်အထည်ဖော်ဆောင်သွားမည် ဖြစ်ပြီး ရပ်ဝန်းနှင့်ပိုးလမ်းမ အရည်အသွေးမြင့်အတူတည်ဆောက်ရေးကို တွန်းအားပေး၍ ကမ္ဘာ့ စီးပွားရေးကဏ္ဍအတွက် ပိုမိုများပြားသော ဈေးကွက်အခွင့်အလမ်း၊ ရင်းနှီးမြှုပ်နှံရေးအခွင့်အလမ်း၊ တိုးတက်ရေးအခွင့်အလမ်းများ ပံ့ပိုးသွားမည် ဖြစ်ကြောင်း ပြောကြားခဲ့သည်။

မိမိတို့အနေဖြင့် လက်ချင်းချိတ်ဆက်ကာ ငြိမ်းချမ်းရေး၊ ဖွံ့ဖြိုးတိုးတက်ရေး၊ ပူးပေါင်းဆောင်ရွက်ရေး၊ ဘုံအကျိုးစီးပွားဖြစ်ထွန်းရေးကို ခိုင်မာစွာဆောင်ရွက်ကာ လက်ရှိ ကမ္ဘာ့စီးပွားရေးနှင့် နိုင်ငံတကာ ကုန်သွယ်မှုနှင့်ရင်းနှီးမြှုပ်နှံမှုတွင် ကြုံတွေ့နေရသော ပြဿနာများကို အတူဖြေရှင်းကာ ပို၍သာယာလှပသော အနာဂတ်သို့ အတူလျှောက်လှမ်းကြပါစို့ဟု ရှီက တိုက်တွန်းပြောကြားခဲ့သည်။ (Xinhua)