တ႐ုတ်ႏိုင်ငံ သမ္မတ ရွီကျင်႕ဖိန်က BRIC ႏိုင်ငံခြားေရးဝန်ကြီးျမားအစည်းအေဝး ဖွင်႕ပွဲအခမ်းအနားတွင် ဗွီဒီယို မိန်႕ခွန်းေပြာကြား

2022-05-20 18:28:05 |သတင္းအရင္းအျမစ္ 新华网

တရုတ်နိုင်ငံ သမ္မတရှီကျင့်ဖိန် BRICS နိုင်ငံခြားရေးဝန်ကြီးများအစည်းအဝေး ဖွင့်ပွဲအခမ်းအနားတွင် ဗွီဒီယိုမိန့်ခွန်းပြောကြားနေသည်ကို မေ ၁၉ ရက်က တွေ့ရစဉ်(ဆင်ဟွာ)

တရုတ်နိုင်ငံ သမ္မတရှီကျင့်ဖိန်သည် မေ ၁၉ ရက်က BRICS နိုင်ငံခြားရေးဝန်ကြီးများအစည်းအဝေး ဖွင့်ပွဲအခမ်းအနားတွင် ဗွီဒီယိုမိန့်ခွန်းပြောကြားခဲ့သည်။

ထိုသို့မိန့်ခွန်းပြောကြားရာတွင် သမ္မတ ရှီကျင့်ဖိန်က လက်ရှိ နှစ် ၁၀၀ အပြောင်းအလဲနှင့် ရာစုနှစ် ကပ်ရောဂါ ထပ်လောင်း သက်ရောက်မှုများကြောင့် နိုင်ငံတကာအခြေအနေ မတည်ငြိမ်မှု၊ မရေရာမှု၊ မလုံခြုံမှု အကြောင်းအရင်းများ တစ်နေ့တစ်ခြား များပြားလာကြောင်း မှတ်ချက်ပြု ပြောကြားခဲ့သည်။

သို့သော်လည်း ငြိမ်းချမ်းရေးနှင့်ဖွံ့ဖြိုးတိုးတက်ရေး ခေတ်ကာလကို မဏ္ဍိုင်ထားခြင်းသည် ပြောင်းလဲမည် မဟုတ်သလို နိုင်ငံအသီးသီး ပြည်သူများက သာယာလှပသော နေထိုင်မှုဘဝကို မျှော်လင့်ချက်ထား ကြိုးပမ်းကြခြင်းမှာလည်း ပြောင်းလဲမည် မဟုတ်ဘဲ နိုင်ငံတကာအသိုက်အဝန်း တစ်လှေတည်းစီးတစ်ခရီးတည်းသွား၍ ပူးပေါင်းဆောင်ရွက်မှုဖြင့် ဘုံအကျိုးစီးပွားဖော်ဆောင်ကြရမည့် သမိုင်းတာဝန်သည်လည်း ပြောင်းလဲမည်မဟုတ်ကြောင်း ၊ နိုင်ငံတကာအသိုက်အဝန်း၏ အပြုသဘောဆောင်၊ ရှေ့သို့လျှောက်လှမ်း ၊တည်ဆောက်ကြမည့် အင်အားအဖြစ် BRICS နိုင်ငံများသည် ခိုင်မာသော ယုံကြည်ချက်ဖြင့် အခက်အခဲလှိုင်းဒဏ်ကို ရဲဝံ့စွာရင်ဆိုင်ကာ လက်တွေ့ဆောင်ရွက်ချက်များဖြင့် ငြိမ်းချမ်းရေး၊ဖွံ့ဖြိုးတိုးတက်ရေးမြှင့်တင်သင့်ပါကြောင်း၊ တရားမျှတမှုကို ထိန်းသိမ်းခြင်း၊ ဒီမိုကရေစီနှင့်လွတ်လပ်ရေးကို ရှေ့ဆောင်တွန်းအားပေးခြင်းဖြင့် ငြိမ်သက်မှုမရှိ ပြောင်းလဲနေသည့်ကာလ၏ နိုင်ငံတကာဆက်ဆံရေးကို တည်ငြိမ်မှုနှင့်အပြုသဘောစွမ်းအားများ ပေးအပ်သင့်ပါကြောင်း ပြောကြားခဲ့သည်။

အခြားနိုင်ငံ၏လုံခြုံရေးကို စတေး၍ မိမိ၏လုံခြုံရေးကို တစ်ဖက်သတ် ကြိုးပမ်းခြင်းက ပဋိပက္ခနှင့်အန္တရာယ်သစ်များသာ ဖြစ်ပေါ်လာစေသည်ကို သမိုင်းနှင့်ဖြစ်ရပ်မှန်က သက်သေပြပြီးဖြစ်ကြောင်း သမ္မတရှီကျင့်ဖိန်က အလေးထားပြောကြားခဲ့သည်။

ကမ္ဘာ့ဘုံလုံခြုံရေးကို မြှင့်တင်ရန်အတွက် မကြာသေးမီက မိမိအနေဖြင့် ကမ္ဘာလုံးဆိုင်ရာလုံခြုံရေးအဆိုပြုချက်(GSI)ကို ထုတ်ဖော်ပြောကြားခဲ့ပါကြောင်း၊ BRICS နိုင်ငံများအနေဖြင့် နိုင်ငံရေးအပြန်အလှန်ယုံကြည်မှုနှင့် လုံခြုံရေးပူးပေါင်းဆောင်ရွက်မှုကို အားဖြည့်ပြီး အရေးကြီး နိုင်ငံတကာနှင့်ဒေသရေးရာကိစ္စရပ်များကို နီးကပ်စွာ ညှိနှိုင်းဆောင်ရွက်ခြင်း၊ အဓိကအကျိုးစီးပွားနှင့်အရေးကြီးဂရုပြုမှုများကို အပြန်အလှန် စောင့်ရှောက်ကူညီခြင်းများ ပြုလုပ်ကြရမည် ဖြစ်ကြောင်း၊ အချုပ်အခြာအာဏာ၊ လုံခြုံရေး၊ ဖွံ့ဖြိုးတိုးတက်ရေးအကျိုးစီးပွားကို အပြန်အလှန်လေးစားကြရမည် ဖြစ်ပြီး ဗိုလ်ကျစိုးမိုးရေးဝါဒနှင့်အာဏာနိုင်ငံရေးကို ဆန့်ကျင်၍ စစ်အေးခေတ်အတွေးအခေါ်နှင့်အုပ်စုဖွဲ့ ထိပ်တိုက်ပြုမှုများကို တားဆီးကာ လူသားမျိုးနွယ်တို့၏လုံခြုံရေး ကံကြမ္မာတူအကျိုးတူ အသိုက်အဝန်းကို အတူတည်ဆောက်ကြရမည် ဖြစ်ကြောင်း ပြောကြားခဲ့သည်။

ဖွံ့ဖြိုးတိုးတက်ရေးသည် ထွန်းသစ်စဈေးကွက်နိုင်ငံများနှင့် ဖွံ့ဖြိုးဆဲနိုင်ငံများ၏ ဘုံတာဝန်ဖြစ်ကြောင်း သမ္မတရှီကျင့်ဖိန်က အလေးထားပြောကြားခဲ့သည်။ လက်ရှိ အန္တရာယ်စိန်ခေါ်မှုအမျိုးမျိုးကို ရင်ဆိုင်ရာတွင် ထွန်းသစ်စဈေးကွက်နိုင်ငံနှင့် ဖွံ့ဖြိုးဆဲနိုင်ငံများ စည်းလုံးညီညွတ်စွာ ပူးပေါင်းဆောင်ရွက်ရေးကို အားဖြည့်ရမည်မှာ မည်သည့်အချိန်အခါထက်မဆို ပို၍ အရေးကြီးကြောင်း၊ BRICSနိုင်ငံ ၅ နိုင်ငံသည် များပြားကျယ်ပြန့်လှသော ထွန်းသစ်စဈေးကွက်နိုင်ငံ၊ ဖွံ့ဖြိုးဆဲနိုင်ငံများနှင့် ဆွေးနွေးဖလှယ်မှုများ ဆောင်ရွက်ရမည် ဖြစ်ကြောင်း၊ အပြန်အလှန် နားလည်ယုံကြည်မှု တိုးပွားအောင်၊ ပူးပေါင်းဆောင်ရွက်ရေး နှီးနွယ်မှု နီးကပ်အောင်၊ အကျိုးစီးပွာပေါင်းစည်းခြင်းအားနက်ရှိုင်းအောင် ဆောင်ရွက်ကာ ပူးပေါင်းဆောင်ရွက်ခြင်း၏အကျိုးအား ပို၍ဖြစ်ထွန်းလာအောင်နှင့်တိုးတက်သည်အင်အား ပို၍ တောင့်တင်းလာအောင် ဆောင်ရွက်ခြင်းဖြင့် လူသားမျိုးနွယ်တို့၏ ကံကြမ္မာတူ အကျိုးတူအသိုက်ဝန်း သာယာလှပသောဘဝနေထိုင်မှုတည်ဆောက်ရေးကို အကောင်အထည်ဖော်ရာတွင် ပို၍ကြီးမားသော အကျိုးကိုထမ်းဆောင်ရမည် ဖြစ်ပါကြောင်း ပြောကြားခဲ့သည်။ (Xinhua)