တရုတ်ကွန်မြူနစ်ပါတီ (၁၉) ကြိမ်မြောက် ပြည်လုံးကျွတ်ညီလာခံသည် တရုတ်-မြန်မာဆက်ဆံရေး

အထက်ဖော်ပြပါ သံတမန်ရေးရာအတွေးအခေါ်များသည် လက်ရှိတရုတ်-မြန်မာချစ်ကြည်ရင်းနှီးစွာ ပူးပေါင်းဖလှယ်မှုများနှင့် အနာဂတ်တရုတ်-မြန်မာချစ်ကြည် ရင်းနှီးစွာ ပူးပေါင်းဖလှယ်မှုများအတွက် အရေးကြီးပြီး လက်တွေ့အကောင်အထည် ဖော်သည့် လမ်းညွှန်မှုဖြစ်ကြပါသည်။ တရုတ်-မြန်မာအကြားတွင် အတူတူပိုင်ဆိုင်သော နယ်နိမိတ်မျဉ်းကြောင်းမှာ ကီလိုမီတာ ၂၂၀၀ ကျော်ရှည်လျားပြီး နှစ်နိုင်ငံပြည်သူလူထု အကြားရှိ ရိုးရာဆွေမျိုးပေါက်ဖော်ချစ်ကြည်ရေးသည် နှစ်ပေါင်းများစွာခိုင်ခိုင်မာမာ တည်ရှိခဲ့၍နှစ်နိုင်ငံတို့ကဆိုးအတူပူအမျှအိမ်နီးချင်းကောင်းဖြစ်ပြီး တူညီသောကံကြမ္မာရှိ သည့် နိုင်ငံဖြစ်ကြပါသည်။ လက်ရှိကာလတွင် မြန်မာနိုင်ငံနှင့် ပြည်သူလူထုက အမျိုးသားပြန်လည်သင့်မြတ်ရေးနှင့် ထာဝရငြိမ်းချမ်းရေးအကောင်အထည်ဖော်ခြင်း၊ ဖွံ့ဖြိုးမှုနှင့် လူမှုဘဝမြှင့်တင်ပေးခြင်းများကို အလိုလားဆုံးဖြစ်ပါသည်။ တရုတ်နိုင်ငံသည် ဆွေမျိုးပေါက်ဖော်အနေဖြင့် အစွမ်းကုန်ကူညီပေးရန်ဆန္ဒရှိပါသည်။ မြန်မာနိုင်ငံ ပါတီအသီးသီး၊ အဖွဲ့အစည်းအသီးသီးတို့ စည်းလုံးညီညွတ်စွာ ပူးပေါင်းဆောင်ရွက် ကြပြီး နိုင်ငံကောင်းမွန်စွာတည်ဆောက်ပြီး ဖွံ့ဖြိုးတိုးတက်လာရန် မျှော်လင့်ပါသည်။ တရုတ်ကွန်မြူနစ်ပါတီ (၁၉) ကြိမ်မြောက် ပြည်လုံးကျွတ်ညီလာခံ၏ အစီရင်ခံစာတွင် “The Belt and Road” ပူးပေါင်းဆောင်ရွက်မှုသည် တရုတ်နိုင်ငံစီးပွားရေး တည်ဆောက်ခြင်းနှင့် ဘက်စုံသံတမန်ရေးရာလုပ်ငန်းတို့၏ အရေးပါသော အစိတ် အပိုင်းဖြစ်ကြောင်းဖော်ပြထားပြီး ၎င်းသည် မြန်မာနိုင်ငံအတွက် နိုင်ငံဖွံ့ဖြိုးမှုလုပ်ငန်း အကောင်အထည်ဖော်ရာတွင် အထောက်အကူပြုနိုင်သည့် အရေးကြီးသော အခွင့်အလမ်းဖြစ်ပါသည်။ ယခုနှစ်မေလတွင် နှစ်နိုင်ငံထိပ်သီးခေါင်းဆောင်တို့၏ ရှေ့မောက်တွင် တရုတ်-မြန်မာနှစ်နိုင်ငံအစိုးရတို့က “The Belt and Road” အတူတကွတည်ဆောက်ရန် သဘောတူပူးပေါင်းဆောင်ရွက်ရေးစာချုပ်ချုပ် ဆိုခဲ့ပါ သည်။ တရုတ်-မြန်မာနှစ်ဦးနှစ်ဖက်မှ “The Belt and Road” အတူတကွတည်ဆောက် ခြင်းသည် မြန်မာအစိုးရ၊ တပ်မတော်၊ ပါတီအသီးသီး၊အဖွဲ့အစည်းအသီးသီးနှင့်နယ်ပယ် အသီးသီးတို့်မှ ထောက်ခံမှုကြီးကျယ်စွာရရှိခဲ့ပြီး လက်ရှိကာလနှင့် အနာဂတ်ကာလ တစ်ခုအတွင်းတွင် တရုတ်-မြန်မာပူးပေါင်းဆောင်ရွက်ရေး၏အဓိကလုပ်ငန်းနှင့် အရေးပါသည့် စင်မြင့်ဖြစ်ပါသည်။ အသေးစိတ်ဖော်ပြရလျှင် တရုတ်-မြန်မာနှစ်ဦးနှစ် ဖက်မှ “The Belt and Road” အတူတကွတည်ဆောက်ရေးဟူသည်မှာ ငြိမ်းချမ်းရေး လမ်းကြောင်း၊ ဖွံ့ဖြိုးတိုးတက်ရေးလမ်းကြောင်းနှင့် လူမှုဘဝမြှင့်တင်ရေးလမ်းကြောင်း များအတူတူတည်ဆောက်ရန်ဖြစ်ပါသည်။

ငြိမ်းချမ်းရေးလမ်းကြောင်းသည် စတင်ဖြစ်ထွန်းလျက်ရှိပါသည်။ “The Belt and Road” ဆိုသည်မှာ ရှေးဦးစွာငြိမ်းချမ်းရေးလမ်းကြောင်းဖြစ်ပြီး ယင်းမှာ တရုတ်-မြန်မာနှစ်နိုင်ငံအတွက် တူညီသောလုပ်ငန်းဖြစ်သည်။ တရုတ်ကွန်မြူနစ်ပါတီ (၁၉) ကြိမ်မြောက် ပြည်လုံးကျွတ်ညီလာခံ၏အစီရင်ခံစာတွင် ဆွေးနွေးပြီးအငြင်းပွားမှုများ ဖြေရှင်းခြင်း၊ ညှိနှိုင်းပြီး သဘောထားကွဲလွဲမှုများပပျောက်စေခြင်းဟူ၍ ဖော်ပြထားပါ သည်။ ဤအတွေးအခေါ်ညွှန်ပြသည့်အတိုင်း တရုတ်ဘက်က မြန်မာနိုင်ငံငြိမ်းချမ်း ရေးနှင့် အမျိုးသားပြန်လည်သင့်မြတ်ရေးလုပ်ငန်းများတွင် အပြုသဘောဆောင်သည့် အခန်းကဏ္ဍမှတက်ကြွစွာပါဝင်ဆောင်ရွက်လျက်ရှိပါသည်။ တရုတ်ဘက်အနေဖြင့် တရုတ်နိုင်ငံခြားရေးဝန်ကြီးဌာနအာရှရေးရာအထူးကိုယ်စားလှယ်ကိုထားရှိပြီး ကြားဝင် ညှိနှိုင်းခြင်းလုပ်ငန်း တက်ကြွစွာဆောင်ရွက်ပါသည်။ တရုတ်-မြန်မာနှစ်ဦး နှစ်ဖက်တို့ သည် တရုတ်-မြန်မာနိုင်ငံခြားရေးနှင့်ကာကွယ်ရေး ၂+၂ အဆင့်မြင့်ညှိနှိုင်းရေးစနစ် ကိုထူထောင်ကြပြီး တရုတ်-မြန်မာနယ်စပ်ဒေသတည်ငြိမ်အေးချမ်းမှုကို အတူတူကာ ကွယ်စောင့်ရှောက်ကြပါသည်။ တရုတ်ဘက်က တက်ကြွစွာ ထောက်ပံ့ပြီးတွန်းအားပေး ခြင်းအားဖြင့် ယခုနှစ်မေလတွင် မြန်မာနိုင်ငံမြောက်ပိုင်းဒေသ တိုင်းရင်းသားလက်နက် ကိုင်အဖွဲ့၇ ဖွဲ့တို့သည် နေပြည်တော်သို့ရောက်ရှိကြပြီး ဒုတိယအကြိမ် “၂၁ ရာစု ပင်လုံ ငြိမ်းချမ်းရေးညီလာခံ” သို့ တက်ရောက်ခဲ့ကြပါသည်။ မကြာသေးမီက မြန်မာအစိုးရ ငြိမ်းချမ်းရေးကော်မရှင်ကိုယ်စားလှယ်အဖွဲ့သည် “ဝ”ဒေသနှင့် ရှမ်းပြည်နယ်အထူးဒေသ (၄) သို့အောင်မြင်စွာသွားရောက်လည်ပတ်ကြည့်ရှုခဲ့ပါသည်။ တရုတ်ဘက်အနေဖြင့် လာမည့်နှစ် ဇန်နဝါရီလတွင်ကျင်းပမည့် တတိယအကြိမ် “၂၁ ရာစုပင်လုံ ငြိမ်းချမ်းရေး ညီလာခံ” အောင်မြင်စွာကျင်းပရန် ကြိုတင်ဆုတောင်းမေတ္တာပို့သအပ်ပြီး မြန်မာနိုင်ငံ အဘက်ဘက်တို့က ပင်လုံစိတ်ဓာတ်ကိုအခြေခံပြီး ချစ်ကြည်ရင်းနှီးစွာ ဆွေးနွေးညှိနှိုင်း ခြင်းဖြင့် ပြည်ထောင်စုဖွဲ့စည်းပုံအခြေခံဥပဒေမူဘောင်အောက်တွင် တိုင်းရင်းသားလူမျိုး များ စည်းလုံးညီညွတ်ခြင်းနှင့် မြင့်မားသည့်ကိုယ်ပိုင်အုပ်ချုပ်ခွင့်ရရှိခြင်းဟူသော သဘောတူညီမှု အကောင်အထည်ဖော်၍ ထာဝရငြိမ်းချမ်းရေးနှင့် တည်ငြိမ်မှုများ ဆောလျင်စွာရရှိနိုင်ရန်ထောက်ခံပါသည်။

ဖွံ့ဖြိုးတိုးတက်ရေးလမ်းကြောင်းဟူသည်မှာအတူတူဖွံ့ဖြိုးတိုးတက်လာခြင်းဖြစ်ပါသည်။တရုတ်ကွန်မြူနစ်ပါတီ (၁၉) ကြိမ်မြောက် ပြည်လုံးကျွတ်ညီလာခံ၏ အစီရင်ခံစာ တွင်တစ်လှေတည်းစီးတစ်ခရီးတည်းသွားရမည်ဖြစ်ပြီးကုန်သွယ်ရေးနှင့်ရင်းနှီးမြှုပ်နှံမှုလုပ်ငန်းလွတ်လပ်ပြီးသက်သာလာရန်၊ economic globalization ကိုပို၍ဖွင့်လှစ်ခြင်း၊ အများပါဝင်ခြင်း၊ ကျယ်ပြန့်စွာအခွင့်ခံစားခြင်း၊ ဟန်ချက်ညီညီရှိခြင်း၊ အကျိုးတူခြင်း အစရှိသောအဘက်များသို့ဦးတည်ရန်တွန်းအားပေးရမည်ဖြစ်ကြောင်း ဖော်ပြထား ပါသည်။ မြန်မာနိုင်ငံ၏အကြီးမားဆုံးကုန်သွယ်ဖက်နိုင်ငံနှင့်ရင်းနှီးမြှုပ်နှံမှု နိုင်ငံအနေ ဖြင့်တရုတ်ဘက်မှ မြန်မာနိုင်ငံ၏နိုင်ငံတော်ဖွံ့ဖြိုးရေးစီမံကိန်းကြီး နှင့်လက်တွေ့လိုအပ် ချက်များအရမဟာဗျူဟာချင်းကိုက်ညီအောင် ဆောင်ရွက်ပြီး "တရုတ်နိုင်ငံယူနန် ပြည်နယ်မှတရုတ်-မြန်မာနယ်စပ်ဒေသကို ဖြတ်ကျော်ကာမန္တလေးမြို့အထိ၊ မန္တလေး မြို့မှအရှေ့သို့တန်းလာကာရန်ကုန်မြို့သစ်အထိ၊ မန္တလေးမြို့မှအနောက်သို့တန်းသွားကာ ကျောက်ဖြူအထူးစီးပွားရေးဇုန်အထိ" ဟူသောတရုတ်-မြန်မာစီးပွားရေးစင်္ကြန်ကို အတူတကွ တည်ဆောက်ခြင်းနှင့်ပတ်သက်၍ မြန်မာဘက်နှင့် ဆွေးနွေးရန်ဆန္ဒရှိပါ သည်။ ထို့အပြင်တရုတ်-မြန်မာရေနံနှင့်သဘာဝဓာတ်ငွေ့ ပိုက်လိုင်းချောမွေ့စွာ လည်ပတ်ရန်၊ ကျောက်ဖြူအထူးစီးပွားရေးဇုန်စီမံကိန်းဆောလျင်စွာစတင်ရန်၊ နှစ်နိုင်ငံနယ်စပ်စီးပွားရေးပူးပေါင်းဆောင်ရွက်မှုဇုန် အတူတကွ တည်ဆောက်ရန်၊ နှစ်နိုင်ငံလမ်းများနှင့် လျှပ်စစ်ကွန်ရက်အပြန်အလှန်ဆက်သွယ်ရန်၊ ဧရာဝတီမြစ်ပြုပြင် ထိန်းသိမ်းရေးလုပ်ငန်းဆောင်ရွက်ရန်၊ ရန်ကုန်မြို့သစ်တည်ဆောက်ရန် အစရှိသော လုပ်ငန်းများ အတူတကွဆောင်ရွက်ပြီး မြန်မာနိုင်ငံဖွံ့ဖြိုးတိုးတက်ရန်အတွက် တွန်းအား သစ်များအဆက်မပြတ်ဖြည့်စွက်ရန်ဆန္ဒရှိပါသည်။

ငြိမ်းချမ်းရေးနှင့်ဖွံ့ဖြိုးတိုးတက်ရေးသည်အပြန်အလှန်အထောက်အကူပြုခြင်းဖြစ်ပါသည်။ ငြိမ်းချမ်းရေးသည် ဖွံ့ဖြိုးတိုးတက်ရေးအကောင်အထည်ဖော်ရန်ကြိုတင် လိုအပ်ချက်နှင့် အာမခံချက်ဖြစ်သလို ဖွံ့ဖြိုးတိုးတက်ရေးသည်ငြိမ်းချမ်းရေးဆက်လက် တွန်းအားပေးရန်နည်းလမ်းနှင့်အခြေခံဖြစ်သည်ကိုတရုတ်နိုင်ငံ၏ ဖွံ့ဖြိုးတိုးတက်ရေး အတွေ့အကြုံကသက်သေပြခဲ့ပါသည်။ တရုတ်ဘက်၏အထက်ပါအတွေးအခေါ်သည် မြန်မာနိုင်ငံကို ရခိုင်ပြည်နယ်မြောက်ပိုင်းဒေသတွင် ဖြစ်ပေါ်လျက်ရှိသော ပြဿနာကို ဖြေရှင်းတဲ့နေရာတွင် အကောင်အထည်ဖော်နေပါသည်။ တရုတ်ဘက်အနေဖြင့် တရား မျှတရေးအပေါ်တစ်လျှေက်လုံးရပ်တည်၍ ရခိုင်ပြည်နယ်ငြိမ်းချမ်းရေးနှင့် တည်ငြိမ် အေးချမ်းရေးကို ကာကွယ်ရန် မြန်မာနိုင်ငံအစိုးရ၏ ကြိုးပမ်းဆောင်ရွက်မှုကို ထောက်ခံပါသည်။ မကြာသေးခင်ကတရုတ်နိုင်ငံခြားရေးဝန်ကြီးဝမ်းယိသည် ဘင်္ဂလားဒေ့ရ်ှနိုင်ငံနှင့်မြန်မာနိုင်ငံသို့လာရောက်ခဲ့ပြီး ဘင်္ဂလားဒေ့ရ်ှနှင့်မြန်မာ နှစ် နိုင်ငံစလုံးလက်ခံသော ရခိုင်ကိစ္စကိုအဆင့်(၃) ဆင့်နှင့်ဖြေရှင်းပေးသော အဆိုပြုချက် ကို အဆိုတင်သွင်းခဲ့ပါသည်။ ပထမအဆင့်သည်အပစ်အခတ် နှင့်အကြမ်းဖက်မှုရပ်စဲ၍ တည်ငြိမ်အေးချမ်းရေးပြန်လည်အကောင်အထည်ဖော်ပြီး ပြည်သူလူထုအေးချမ်း သာယာသောဘဝကိုခံစားနိုင်၍ အိုးမဲ့အိမ်မဲ့ခိုကိုးရာမဲ့စွာဖြင့် မနေရတော့ပေ။ ဒုတိယ အဆင့်သည် မြန်မာ-ဘင်္ဂလားဒေ့ရ်ှနှစ်နိုင်ငံထိတွေ့ဆက်ဆံမှုကို ထိန်းသိမ်းမြှင့်တင်ပြီး တန်းတူညီမျှချစ်ခင်ရင်းနှီးစွာ တွေ့ဆုံဆွေးနွေးတဲ့နည်းလမ်းဖြင့်ပြဿနာ လက်တွေ့ ကျကျဖြေရှင်းရန်အဖက်ဖက်နှင့် နိုင်ငံတကာအသိုင်းအဝိုင်းအတူတကွထောက်ခံ အားပေးရန်ဖြစ်ပါသည်။ မကြာခင်က မြန်မာ-ဘင်္ဂလားဒေ့ရ်ှနှစ်နိုင်ငံသည် ဘင်္ဂလားဒေ့ရှ် ဘက်သို့ ထွက်ပြေးလာသူတွေမူလနေရပ်ပြန်လည်ရောက်ရှိရန် သဘောတူစာချုပ် ချုပ်ဆိုနိုင်ခဲ့သည့်အပေါ် တရုတ်နိုင်ငံကချီးကျူးပါသည်။ အထက်ပါစာချုပ်ကိုအမြန်ဆုံး အကောင်အထည်ဖော်၍ မျက်မြင်နိုင်သောအောင်သီးအောင်ပွင့်ကိုရရှိနိုင်ရန် မျှော်လင့် ပါသည်။ တတိယအဆင့်သည် ပြဿနာ၏အရင်းအမြစ်ကို ရဲရင့်စွာရင်ဆိုင်ပြီး ဖြေရှင်း ရန် ညှိနှိုင်းဆွေးနွေးဖို့ဖြစ်ပါသည်။ ဆင်းရဲမွဲတေမှုသည်မတည်မငြိမ်မှုနှင့်အဓိက ရုဏ်း ဖြစ်ပေါ်လာခြင်း၏ အရင်းအမြစ်ပင်ဖြစ်ပါသည်။ မြန်မာအစိုးရဆင်းရဲမွဲတေမှု လျှော့ပစ် ရေးလုပ်ငန်းကနေ ဖွံ့ဖြိုးတိုးတက်ရေးကိုတွန်းအားပေးပြီး ဖွံ့ဖြိုးတိုးတက်ရေးနည်းလမ်း ဖြင့်တည်ငြိမ်အေးချမ်းရေးကို အကောင်အထည်ဖော်သည်ကိုတရုတ်နိုင်ငံက ထောက်ခံ အားပေး၍ တတ်နိုင်သမျှစွမ်းဆောင်မှုပြုလုပ်ရန်လည်း ဆန္ဒရှိပါသည်။ အထက်ပါအဆင့် (၃)ဆင့်အဆိုပြုချက်ကို ရှေ့သို့တွန်းတင်သည်နှင့်အလျောက် ရခိုင်ပြည်နယ်တွင် လူမျိုးစုပြန်လည်သင့်မြတ်ရေး၊ လူမှုဘဝတည်ငြိမ်အေးချမ်းရေး၊ စီးပွားရေး ဖွံ့ဖြိုး တိုးတက်ရေး အမြန်ဆုံးအကောင်အထည်ဖော် နိုင်မည်ဟုတရုတ်ဘက်က ရိုးသားဖြူစင်စွာမျှော်လင့်ပါသည်။

လူမှုဘဝမြှင့်တင်ပေးသည့် လမ်းကြောင်းဟူသည်မှာ သာယာအေးချမ်းသော ဘဝကိုဦးတည်ခြင်းဖြစ်ပါသည်။ တရားမျှတမှုဖြင့်ဖွဲ့ဖြိုးဆဲနိုင်ငံများနှင့် ပူးပေါင်း ဆောင်ရွက်ရန် လိုအပ်ကြောင်း တရုတ်ကွန်မြူနစ်ပါတီ (၁၉) ကြိမ်မြောက် ပြည်လုံးကျွတ်ညီလာခံ၏ အစီရင်ခံစာတွင်ဖော်ပြထားပါသည်။ အထက်ပါညွှန်ကြားချက် အကောင်အထည်ဖော်ရန် တရုတ်ဘက်သည်မြန်မာနိုင်ငံမှာ ပညာရေး၊ ကျန်းမာရေး၊ ဘေးအန္တရာယ်ကယ်ဆယ်ရေးစသည့် ပြည်သူ့အကျိုးပြုစီမံကိန်းများကို ဆက်တိုက် ဖော်ဆောင်ခဲ့ပါသည်။ မြန်မာပြည်သူလူထုများနှစ်နိုင်ငံချစ်ခင်ရင်းနှီးသော ပူးပေါင်း ဆောင်ရွက်မှုကနေ အကျိုးကျေးဇူးများစွာ ရရှိရန် ရည်မှန်းချက်ရှိပါသည်။ ဥပမာ အားဖြင့်၂ဝ၁၅ ခုနှစ်တုန်းကမြန်မာနိုင်ငံသည် အနှစ်(၅ဝ)အတွင်း အဆိုးဝါးဆုံးရေဘေး ဒုက္ခကို ကြုံတွေ့ခဲ့ပါသည်။ တရုတ်ဘက်သည်အချိန်နှင့် တပြေးညီမြန်မာနိုင်ငံကို အကူအညီပေး၍ “သဘာဝအန္တရာယ်ရက်စက်ပေမဲ့လူတွေအကြားမေတ္တာနက်ရှိင်း၊ ဆွေမျိုးပေါက်ဖော်အကျပ်အတည်းကြုံခိုက်ညီအစ်ကိုရိုင်းပင်ကူညီကြ”၏ အနှစ်သာရ ကို အကောင်အထည်ဖော်ခဲ့ပါသည်။ မြန်မာအစိုးရက H1N1ရောဂါကို တိုက်ခိုက်ရာ တွင်တရုတ်ဘက်က ကာကွယ်ဆေးထောက်ပံ့ကူညီသလို “အလင်းရောင်ခရီးစဉ်” ဆေးကုဖွဲ့ကိုလည်းစေလွှတ်ပြီး မျက်စိအတွင်းတိမ်ရောဂါခွဲစိတ်ကုသမှု (၂ဝဝဝ)ကျော် အခမဲ့ဆောင်ရွက်ခဲ့ပါသည်။ ထို့အပြင် တရုတ်ဘက်သည်တရုတ်-မြန်မာချစ်ကြည်ရေး ကျောင်းအကျောင်း(၂ဝ)တည်ဆောက်ခဲ့ပါသည်။ တရုတ်-မြန်မာချစ်ကြည်ရေးပညာ သင်ဆု၊ ပညာသင်ထောက်ပံ့ကြေးကို ကျောင်းသူကျောင်းသား(၁ဝဝဝ) ကျော် ထောက်ပံ့ပေးခဲ့ပါသည်။ ကျောင်းသူကျောင်းသား(၂ဝဝဝ)ကျော်ကို တရုတ်နိုင်ငံသို့ လေ့လာရေးခရီးစဉ်အခွင့်အလမ်းထောက်ပံ့ပါသည်။ ဆွေမျိုးပေါက်ဖော်ချစ်ကြည်ရေး၏ အနှစ်သာရကို ပိုမိုကြွယ်ဝအောင် လက်တွေ့ကျကျအဆက်မပြတ် ဆောင်ရွက်နေပါ သည်။

တရုတ်ကွန်မြူနစ်ပါတီ (၁၉) ကြိမ်မြောက် ပြည်လုံးကျွတ်ညီလာခံ၏ အစီရင်ခံစာ တွင် တရုတ်ကွန်မြူနစ်ပါတီအနေဖြင့်ပြည်သူလူထု၏ အနာဂတ်ဘဝအတွက် ကောင်းမွန်သောမျှော်မှန်းတမ်းတချက်ကို ပန်းတိုင်အဖြစ်အမြဲတမ်း ကြိုးပမ်း ဆောင်ရွက်သွားမှာဖြစ်ပါသည်ဟု ဖော်ပြထားပါသည်။တရုတ်-မြန်မာနှစ်နိုင်ငံပြည်သူ လူထု၏အနာဂတ်ဘဝအတွက်ကောင်းမွန်သောမျှော်မှန်းတမ်းတချက်သည် ကျွန်တော် တို့ နှစ်နိုင်ငံပူးပေါင်းဆောင်ရွက်ရေး၏ ပန်းတိုင်ပင်ဖြစ်ပါသည်။ အထက်ပါ တူညီသော ပန်းတိုင်၏လမ်းညွှန်မှုအောက်တွင်မြန်မာနိုင်ငံ၏ငြိမ်းချမ်းရေးလမ်းကြောင်း၊ ဖွံ့ဖြိုး တိုးတက်ရေးလမ်းကြောင်းနှင့်လူမှုဘဝ မြှင့်တင်ရေးလမ်းကြောင်းပို၍ကျယ်ပြန့်စွာ၊ ပို၍အဆင်ပြေစွာလျှောက်လှမ်းနိုင်မှာ ဖြစ်သည်ဟုက္ဈန်တော် လေးလေးနက်နက် ယုံကြည်ပါသည်။ တရုတ်-မြန်မာနှစ်နိုင်ငံဆက်ဆံရေးပို၍ ကောင်းမွန်သောအနာဂတ်ကို ဖန်တီးပေးရန် ကျွန်တော်တို့နှစ်ဦးနှစ်ဘက် လက်တွဲကြိုးပမ်းဆောင်ရွက်ကြပါစို့ဟု တိုက်တွန်းရင်း နိဂုံးချုပ်အပ်ပါသည်။

ဆောင်းပါးရှင်--မြန်မာနိုင်ငံဆိုင်ရာ တရုတ်သံအမတ်ကြီး Hong Liang